Јапонците го држат апсолутниот рекорд во должината на животниот век. Покрај тоа, се сметаат за најтенок народ во светот затоа што само 3 проценти од жителите патат од дебелина. Нивниот посебен став кон исхраната има значајна улога во тоа.
Постои посебен систем на исхрана кој го препорачува Владата на Јапонија, а тој систем активно се користи ширум земјата. Тој систем е развиен во 2000 година од страна на неколку министерства и познат е под името „Јапонски водич за храна која се врти“.
Еве што се препорачува за јадење и како треба да се организира исхраната:
1. Доминација на јаглехидратите со мали количества масти
Главна карактеристика на „Јапонскиот водич за храна“ е доминацијата на јаглехидрати со мали количества масти. Исто така, се препорачува намалување на количините на сол, преработена храна, слатки и пијалаци кои содржат многу шеќер.
2. Препорачан број порции
Сите производи се поделени во неколку групи – секој од нив има препорачан број порции дневно (големината на порциите зависи од староста и полот на личноста). Основа на исхраната се житарки и зрна, а потоа зеленчук (свеж, термички обработен и супи), месо и специјалитети од риба. Се препорачуваат и две порции овошје и млечни производи на ден.
3. Јапонците уживаат во оброците
Не само што е важно она што го јадеме, туку и како го јадеме. Традиционално Јапонците уживаат во оброците, а се препорачува да најдете оптимален ритам за вашето тело и да го следите, обидувајќи се да јадете во приближно исто време секој ден.
4. Локални и сезонски производи
Исхраната се фокусира на локални и сезонски производи како што се ориз или риба со ретки исклучоци кои подразбираат вклучување на меѓународни јадења.
5. Секој оброк треба да биде урамнотежен
Секој оброк треба да биде урамнотежен и да содржи производи од неколку групи храна. На пример, типичен школски ручек во Јапонија се состои од ориз, месо или риба, мисо супа, чаша млеко и овошје.
6. Одговорен став кон исхраната
Одговорниот став кон исхраната се формира уште во основното училиште. Ручекот не е пауза, туку составен дел од образованието. За време на ручекот никој не ги брза децата, а после завршувањето на ручекот децата сами ги чистат масите.
7. Рамнотежа меѓу количините храна и потрошените калории
Важно е да се имаат умерени оброци, како и да се одржува рамнотежа меѓу количеството храна и потрошените калории. Ова се постигнува со различни физички активности.
8. Фокусот секогаш е на свежите производи
Приготвувањето на готовите јадења и готвењето однапред не е нешто што се смета за здраво во Јапонија. Фокусот секогаш е на свежите производи.
