Делта сојот се појави во Индија во декември минатата година, а денес претставува околу 83% од новите случаи само во Америка, според пишувањата на Центарот за контрола и превенција на болести (ЦДЦ).
Со оглед дека е исклучително заразен, болниците се повторно полни. Еве што за овој сој на коронавирусот морате да знаете, без оглед дали сте вакцинирани или не.
- ДЕЛТА ВАРИЈАНТАТА Е МНОГУ ПОЗАРАЗНА
За минатите соеви на коронавирусот се знаеше дека заразеното лице веројатно може да зарази дополнително уште три лица, додека делта варијантата значи опасност за 8 лица. Според пишувањата на ЦДЦ, варијантата е позразна од варичелата, а се пренесува полесно од ебола, настинка и грип.
- ЌЕ ПРИДИЗВИКУВА ПРОБОЈНИ ИНФЕКЦИИ
“Ако сте вакцинирани, се верува дека нема да имате тешки последици од болеста, но има шанси да се заразите побрзо во споредба со претходните варијанти“ истакнува д-р Арон Глат, експерт за заразни болести. Пробојна инфекција е случај на болест во кој вакциниран поединец заболува од истата болест за која примил вакцина како превенција, а моментално таквите случаи претставуваат околу 0,01 процент од сите КОВИД инфекции.
“Тоа веројатно нема да се промени, но како вирусот се шири кај општата популација, полесно ќе стигне и до вакцинираното лице“.
- ВАКЦИНАТА МОЖЕ ДА ВЕ ЗАШТИТИ
Достапните податоци се прелиминарни, но се чини дека две дози Фајзер вакцина штитат 88%, што е седум проценти помалки од влијанието на претходните варијанти на вирусот, но и понатаму тое е висок процент.
Но, стручњаците наведуваат дека и сите останати вакцини се ефикасни во борба против делта сојот, со висок процент на заштита од тешка форма на болеста и смртен исход.
- СИТЕ ВЕРОЈАТНО ЌЕ ИМААТ ПОТРЕБА ОД ДОПОЛНИТЕЛНА ДОЗА
ЦДЦ сака што побрзо да ја авторизира третата вакцина за лица со ослабен имун систем, бидејќи тие не реагираат толку силно на вакцините, а се во ризична група од тешки последици од болеста. Лекарите веруваат дека на сите ќе ни биде потребна трета вакцина и дека можеби ќе се прима секоја година.
- МОЖНО Е ДЕЛТА СОЈОТ ДА НЕ Е ТОЛКУ ОПАСЕН
Некои студии заклучуваат дека делта варијантата всушност предизвикува многу посилни и изразени симптоми и хоспитализација, но д-р Џон Зиаја не се согласува и вели:
“Не верувам дека предизвикува поопасни исходи, има поголема смртност и хоспитализации, бидејќи е поголем и бројот на нови случаи. Се чини дека предизвикува слични симптоми како и претходните варијанти, но дека не се јавува пречесто губење на остетот за мирис и вкус“.
- ДЕЛТА Е ПООПАСЕН ЗА ДЕЦАТА
Иако нема студии кои би потврдиле, се вели дека се повеќе деца се заразени со КОВИД-19 откако е доминантна оваа варијанта. Веројатно се работи за факторот на брзо ширење, а не за мутација која влијае на децата.
- ВАКЦИНИРАНИТЕ ЛИЦА МОЖЕ ДА ЈА ШИРАТ ИНФЕКЦИЈАТА
“Делта ја зголеми количината на вирусот што се здржува во носот и во грлото, и кај вакцинираните и кај невакцинираните лица“, истакнува д-р Зиаја. Може да се каже дека добра вест е што вакцинираните лица не се заразни толку долго како оние кои не се вакцинирани.
- ДЕЛТА НЕ Е ПРВА МУТАЦИЈА, НИТУ ЌЕ БИДЕ ПОСЛЕДНА
Како РНА вирус, SARS-CoV-2 мутира речиси според дефиниција. Многу од тие мутации немале дополнително влијание на здравјето, во споредба со првиот сој на вирусот што “го покоси светот“. Подобрата вакцинираност е единствениот начин кој може да спречи ширење на нови, можно и многу поопасни варијанти на вирусот. Лекарот вели дека колку е повисок процентот на вакцинирани, толку е поблизу колективниот имунитет.
ЗАПОМНЕТЕ – МАСКИТЕ ВЕ ШТИТАТ
ЦДЦ советува дека маски треба да носат и лица кои се вакцинирани во затворен простор, а важноста на маската за лице, дистанцата и хигиената треба да останат на сила. Всушност, маските дене може да бидат уште поважни од претходно, без оглед дали сте примиле вакцина или не.
