Безволност, поспаност, раздразливост, пад на концентрацијата, пад на имунитетот, незаинтересираност за работа и учење се некои од симптомите на пролетен замор.
Аспарагус за пролетен детокс и исфрлање на насобраните токсини
Аспарагусот е вистински пролетен зеленчук. Стебленцата од ова растение отсекогаш се сметале за исклучително важен зеленчук, а се ценети заради сочниот вкус и благата текстура. Зелената боја му ја должат на хлорофилот познат „чистач“ на црниот дроб и крвта. Енергетската вредност на аспарагусот е мошне мала што овој зеленчук го става високо на листата пожелни намирници за симнување одвишни килограми.
Исто така, се истакнува со количеството на витамин Ц и калиум што го содржи – нутритиенти пријатели на црниот дроб. Високиот удел на калиум со аминокиселината аргинин која ја содржи, како и нискиот удел на натриум го прави аспарагусот природен диуретик. Ваквото својство на аспарагусот од дамнина се користи за ублажување на симптомите на ПМС и задржување вода. Аспарагусот е добар извор на нутритиенти кои придонесуваат за заштита на клетките од оксидативен стрес. Аспарагусот со право е неизоставен дел од детоксикациските диети кои е пожелно да се прават по завршувањето на зимата, за телото да се исчисти од отровите и да се подготви за пролетта.
Еден филџан јагоди осигурува калиум за подобра функција на нервниот систем
Еден филџан од омилените црвени топченца, што всушност е една порција, осигурува само 45 калории, но ги задоволува дневните потреби за витамин Ц. Јагодите се едно од најбогатите со витамин Ц овошја, што помага не само во детоксикацијата, туку и во совладувањето на пролетниот замор. Исто количество од еден филџан јагоди обезбедува и неверојатно 210 мг калиум што, меѓу другото, придонесува за нормално функционирање на нервниот состав.
Витамините Б2, Б5, К, потоа минералите бакар, манган и магнезиум ја „заокружуваат“ листата на витамини и минерали во јагодите, но не и листата на вкупни благотворни нутритиенти. Јагодите содржат вредни фитонутриенти, а меѓу нив најмногу елагична киселина, флавоноидот антоцијанин, катехин, кверцетин и кампферол. Синергиското влијание на овие супстанци се причина зошто јагодите имаат импресивен антиоксидативен капацитет. Јагодите, се разбира, се одлична комбинација во слатките, особено оние од чоколадо, но во служба на детоксикацијата најдобро е да се јадат сами.
