Афтите најчесто поминуваат сами од себе, барем кога станува збор за малите афти. Сепак, може да се користат некои масти и капки, додека за лекување на големите афти може да се применат и инјекции. Афтите се многу честа појава со која се среќава голем број на луѓе, иако стручњаците не можат да се усогласат колку се раширени, барем кога е во прашање статистиката.
Станува збор за мали ранички, стручно наречени рекурентни афтозни улцерации, кои освен на забното месо и тврдото непце, може да се појават било каде на слузницата во устата.
Најчесто може да се забележат во долниот дел од усната шуплина, долната страна на јазикот или пак на самото дно на шуплината. Главно поминуваат сами, без никаков третман, по 10-14 дена.
Со оглед дека предизвикуваат непријатност и болка, особено на почетокот, може да помогнат води за испирање на устата, како и чај од жалфија, невен или прополис.
Воочено е дека почесто се јавуваат кај жените, во однос на мажите. Иако кај некои жени се појавуваат во втортата половина од менструланиот циклус, научниците немаа потврдена поврзаност на афтите со нивото на женските полови хормони.
Афтите вообичаено се појавуваат за прв пат во периодот меѓу 10 и 30 години. По првото појавување, може да се јават повторно, но може да поминат месеци, па и години без афти.
Се разликуваат три вида на афти: Мали, големи и херпетиформни.
Малите афти се најчести и се појавуваат кај 8 од 10 случаи. Мали се, округли или овални со дијаметар од 10 милиметри. Имаат бледо жолта боја, но на рабовите се црвени и воспалени. Иако, често се појавува само една афта, може истовремено да има и по пет во усната шуплина. Секоја афтозна уцерација трае од 7 до 10 дена, а потоа поминува без лузна. Најчесто не се многу болни, но се непријатни.
Големите афти се појавуваат кај еден од 10 слуачи. Дијаметарот им е над 10 милиметри и вообичаено не се појавуваат повеќе од две афти истовремено. За разлика од малите, овие се подлабоки и траат подолго, две недели, па и неколку месеци. И од нив не остануваат лузни. Но, може да бидат многу болни и јадењето претставува голема мака.
Херпетиформните афти се појавуваат кај еден од 10 слуачи. Станува збор за мали ранички големи колку врв од шпенагла – едн до два милиметри. Но, истоврмено може да бидат повеќе во устата, па некои може да се спојат и така да создадат неправилни и поголеми форми. Секоја таква афта трае од една недела до најмногу два месеци. И покрај името и сличноста со вирусот Херпес симплекс, појавата на овие афти не е поврзана со вирусот.
