Афтите не се заразни, но можат често да се повторуваат. Ризикот за ова воспаление се зголемува во стресните периоди, како и како резултат на недостаток на одделни витамини и минерали, хормонални пореметувања, нарушувања на имунитетот, хемотерапија и сл. Доколку се наоѓате во некоја од споменатите ситуации со цел превенција или лекување на афтите може да ви помогне прополисот.
Прополисот содржи преку 400 состојки меѓу кои се и флавоноидите кои делуваат како антиоксиданти, разни аминокиселини и олигоелементи како цинк, железо, силициум. Многу од овие состојки делуваат противвоспалително, антисептички, аналгетски, додека истовремено го забрзуваат и зацелувањето на афтите. Најдобро е 2 до 3 пати на ден со стапче на кое има вата да нанесете малку маслен раствор на прополис директно на афтите или да ја испирате устата со раствор од прополис, кој се добива на тој начин што десетина капки безалкохолен раствор на прополис ќе разблажите во малку млака вода.
Уште едно, природно, решение против афтозниот стоматитис
За да го поттикнете опоравувањето на слузокожата за испирање на устата можете да користите солена вода (0,5 до 1 лажичка сол растворете во 2 дл вода) или уште подобро користете раствор од сода бикарбона. Сода бикарбоната делува како антисептик, ја неутрализира киселината во устата, го поттикнува зацелувањето на слузокожата и ги ублажува болките. Растворот пригответе го така што во 1 дл вода ќе изматите лажичка сода бикарбона. Добиениот раствор користете го после миењето на забите за испирање на устата, и тоа 2 до 3 пати на ден. За миење на забите користете што е можно поприродни пасти и мека четкичка за да не ја повредите слузокожата дополнително.
