Ајдучката трева важи за особено лековита билка која може да помогне во многу нарушувања на организмот, а особено е корисна за жените. Вистинска ризница за здравје – ајдучката трева се користи од дамнина, а се верува дека ја користеле ајдуците врзувајќи ја околу вратот, зашто сметале дека има лековити својства и ги ублажува повредите и болките. Оттука доаѓа и називот ајдучка трева.
Оваа билка е многу распространета и може да се најде покрај патиштата, на ливадите и во полињата. Расте на места се до 1 700 метри надморска височина, а може да порасне од 20 до 60 сантиметри. Стеблото и е влакнесто, а цветовите се во силно црвена, розова или бела боја, и се наоѓаат на самиот врв на стеблото и имаат пријатен мирис.
За чај од ајдучка трева билката се бере од јуни до октомври, кога е целата во цвет. Секако, во билните аптеки ја има во секое време од годината
Позната по своите антивоспалителни својства
Ајдучка трева е позната по своите антивоспалителни својства. Покрај тоа што е ефикасна кај разни женски проблеми, исто така, помага и при проблеми со варењето на храната, крвавење и слично. Ова се главните придобивки од пиењето чај од ајдучка трева.
- Одлична е за женски проблеми – познато е дека чајот од ајдучка трева го смирува целиот организам и помага да се ослободи од болката и симптомите на ПМС;
- Помага при воспаление на мочниот меур и јајниците;
- Ја смирува нервозата во желудникот и цревата, ја стимулира нивната работа и го подобрува варењето и апетитот;
- Спречува формирање на жолчни камења и, генерално, има корисен ефект врз жолчниот меур;
- Помага во работата на црниот дроб и слезината;
- Помага при кашлица и настинки, синузитис и делува антиинфламаторно на целиот организам;
- Ако се користи за време на настинка и грип ќе ги намали симптомите и ќе го забрза заздравувањето;
- Се користи за да се спречи надворешно и внатрешно крвавење од органите;
- Ја прочистува крвта;
- Одлично делува против алергиски симптоми како што се насолзени очи или кивање;
- Се користи како заштита на кожата при сончање, а со неа може да се чисти кожата како заштита и во борба против акните.
Чај од ајдучка трева
Чајот се подготвува од цветот – земете една лажичка исушен цвет и полијте го со 2,5 дл зовриена вода. Нека остане да стои околу 15 минути, па процедете. Покрај ајдучка трева, може да додадете и чај од жалфија, нане или камилица. Приготвениот чај освен за консумација може да го додадете и во купки или да го користите за облоги.
