Акните може да се појават каде било на телото, па така и на градите. Иако се безопасни, многу жени ги сметаат за непријатни. Ако сте загрижени или забележувате дека некоја подолго време не исчезнува, побарајте стручно мислење.
Кога се јавуваат акни?
Кога порите во кожата се запушуваат! Мртвите клетки на кожата може да станат „заробени“ во порите, а присутноста на нечистотија, маснотија и бактерии може да ја влошат ситуацијата. Вообичаено е вишокот маснотија и бактерии да останат заробени во порите на лицето, но тоа може да се случи каде било по телото, вклучително и градите. Многу фактори можат да предизвикаат наталожување маснотии или бактерии на кожата на градите.
Фактори кои влијаат на појава на акни:
Генетика
Ако вашите родители, браќа или сестри се склони на акни, голема е веројатноста дека ќе ги имате и вие.
Исхрана
Студија од 2015 година поврзала одредена храна со зголемен ризик од акни. Тие намирници вклучувале рафинирани јаглехидрати, млеко и млечни производи, трансмасти, заситени масти.
Стрес
Стресот сам не може да предизвика појава на акни, но може да направи постоечките да се влошат. Некои дерматолози сметаат дека стресот влијае на жлездите кои произведуваат себум. Стресот може да предизвика овие жлезди да произведуваат повеќе маснотија, што може да ја влоши ситуацијата и да доведе до повеќе акни.
Хормонална нерамнотежа
Промените во нивоата на хормони обично придонесуваат за појава на акни во пубертетот. Хормоните, исто така, можат да влијаат на кожата на возрасна личност, особено кај жените. Многу жени сметаат дека се склони да добиваат акни пред и за време на менструацијата. Хормоналните акни може да се појават по вратот, градите и лицето.
Лекови
Некои лекови, вклучително кортикостероидите, хормоните на штитната жлезда и некои антибиотици може да доведат до акни.
Тесна облека
Носењето облека која е претесна и не е прозрачна може да го зголеми ризикот од развој на акни. Исто така, ткаенините кои ја иритираат кожата може да ја влошат ситуацијата на постоечките акни.
