Нова драматична визуелизација точно покажува зошто е добро да се носи маска со цел да се спречи ширењето на новиот коронавирус.
Без маска, капките произведени за време на кашлањето може да се распрснат и до три метри, открила визуелизација, но со маска во најдобар случај таа оддалеченост се намалува на само неколку сантиметри.
Стимулацијата објавена во списанието Physics of Fluids, исто така открива дека платнените маски се подобри од останатите во спречување на ширењето на потенцијално заразните капки.
“Сликите користени во нашата студија може да помогнат јавноста подобро да сфати зошто на луѓето во време на пандемија им се препорачува да носат маски во јавност и да одржуваат растојание од други луѓе“, вели водачот на студијата Сидарта Верма, доцентка на Факултетот за инжинерство и комјутерски науки во Флорида.
За да симулираат кашлање, истражувачите поврзале глава на кукла со машина која создава магла со испарување на вода и глицерин, а користеле и пумпа за исфрлање на пареа низ уста. Капките пареа биле визуелизирани со помош на ласер. Симулираната кашлица е прикажана како зелена пареа која излегува од устата на главата на кукла.
Истражувачите на куклата ставале различни видови на немдицински маски, за да ја тестираат нивната ефикасност во блокирањето на искашлувањето, од маски од домашна изработка во два слоја, преку класични, еднослојни марами и превиткано памучно марамче, до нестерилни маски со конусна форма кои може да се купат во аптека. Тие утврдиле дека капките распрснати со симулираната кашлица, патуваат и до три метри во 50 секунди.
Повеќеслојната памучна маска направена дома најмногу го намалила ширењето на капките, иако на врвот дошло до течење во подрачјето помеѓу носот и самиот материјал. Капките од лицето се оддалечиле само еден сантиметар. Како добри се покажале и фабричките маски од аптека, кај кои капките минале пат од 20 сантиметри.
Но, еднослојна марама, изработена од еластичен материјал, била далеку помалку ефикасна, исто како и преклопено марамче. Капките се провлекле низ марамата и отишле дури еден метар подалеку, додека оние низ марамчето преминале околу 30 саниметри.
Иако немедицинските маски, тестирани во оваа студија, имале различен степен на истекувањет на протокот, веројатно ќе бидат ефикасни во стопирање на поголемите капки исфрлени од системот за дишење, заклучиле авторите на студијата.
