Една од најмоќните алатки за проценка кои ги поседуваме е нашето чувство дали станува збор за опасна и сериозна ситуација. Секогаш е подобро да се згреши еднаш или два пати и непотребно да се алармира, отколку само еднаш да се направи фатална грешка и да не се побара лекарска помош.
Ова се 5 сигурни причини за да се обратите веднаш на лекар.
Болка во градите
Ако во градите чувствувате болка или притисок кој трае подолго од две минути, или се јавува, исчезнува и пак се враќа, време е да се обратите за лекарска помош.
Краток здив
Ако се случи одеднаш и ве оневзоможува во извршување на секојдневните активности, веднаш некој нека ве однесе во најблиската амбуланта. На лекар обратете се и ако имате тежок проблем со дишењето или при дишењето чувствувате мачнина, болка во градите или чувствувате дека губите свест.
Изненадни потешкотии со видот
Веднаш отидете на лекар ако одеднаш ви се замати видот, имате двојна слика или провремено губење на видот. Тоа може да биде знак за мозочен удар или друга сериозна состојба. Побарајте и лекарска помош ако изненадните проблеми со видот се проследени со тешка главоболка, мачнина или повраќање, слабост, вртоглавица, збунетост или потешкотии во разговорот. Истото направете го и ако имате силни болки или иритиација во очите.
Повраќање
Ако во содржината што сте ја повратиле има крв или повраќањето го следат симптоми како силна главоболка или болка во делот на абдоменот, збунетост и забрзано дишење и работа на срцето, веднаш отидете на лекар.
Болка во стомачната шуплина
Ако трае подолго од 30 минути, а се појави одеднаш и е многу интензивна – побарајте лекар. Ако болката не попушта, ја следи повраќање, може да се работи за воспаление на слепо црево, што изисува брза лекарска реакција.
