Во продолжение следуваат неколкуте појави за време на ПМС кои никако не смеете да ги занемарите:
Менструациите ви се нередовни
Доколку месец или два не сте добиле менструација, а сигурни сте дека не сте бремени тоа значи дека имате хормонален дисбаланс, проблем со штитната жлезда, под стрес сте или сте претерале со вежбањето.
„Доколку нема редовни менструации може да дојде до абнормален раст на клетките, а тоа потенцијално може да биде канцерогено“, тврди Шерон Мас, клинички асистент по гинекологија на медицинскиот факултет во Њу Џерси. За ситуацијата да не премине во нешто посериозно и смртоносно, веднаш појдете кај својот гинеколог.
Нагло засилување на менструалните болки и грчеви
Доколку ви се случува да патите од многу силни менструални болки, тоа значи дека патите од ендометриоза, пореметување при кое клетките, кои инаку растат во матката, сега растат надвор од неа.
Крвавите меѓу менструалниот циклус
Иако ваквото крвавење може да биде сосема нормална појава особено ако земате контрацептивни пилули, сепак попаметно е доколку дојде до ова да побарате лекарска помош. Ваквата појава може да значи и циста или одреден израсток на матката кој подоцна најчесто поредизвикува инфекции, а некогаш и карцином.
Обилно крвавење и циклус кој трае повеќе од 10 дена
Може да станува збор за фиброза, израстоци или аденомиози, кога ткивото на слузницата на матката враснува во матката, а тоа може да резултира со анемија.
