Кардиоваскуларните заболувања, дијабетесот и карциномот се само некои од болестите кои се поврзауваат со недостатокот на витамин Д. Болката во зглобовите и половината, особено во долниот дел од грбот можат да бидат јасен знак дека патите од недостаток на „витаминот на светлина“, како што често се нарекува витаминот Д.
Многу студии проценуваат дека дури и до 70 отсто од луѓето патат од недостаток на витамин Д. Во голем дел него би го произвело човековото тело под услов доволно често и доволно долго да е изложено на сончева светлина. Меѓутоа во земјите на северниот дел од земјината полутопка, особено во зимските месеци, повеќето од луѓето не се доволно на сонце.
Самата исхрана често не е во можност да обезбеди доволни количества од овој витамин. Кај жените во менопауза дефицитот на овој витамин е особено изразен. Затоа мошне важно е уште со првите пролетни денови да се престојува на сонце, ако е возможно, се разбира, и тоа по неколку пати неделно. Идеално би било три до четири пати неделно да прошетате на сонце, барем петнаесетина минути. Телото ќе синтетизира и до 90 отсто од дневните потреби за овој витамин. Во исхраната внесете печурки, масни видови риба и јајца, и тоа може да биде од голема помош.
