Бананите се одгледуваат во 107 земји низ светот и претставуваат четврта највредна култура на светско ниво. Слаткиот плод со специфичен вкус е омилен и на децата и на повозрасните. Може да се консумира свежа, се користи како основа за смути и за овошни салати. Бананите се полни со калиум, влакна, витамини Ц и Б6, но сепак мора да се знае колку во денот можеме да изедеме, а да не претераме. Многу е важно да се знае и дека луѓето кои се соочуваат со одредени здравствени проблеми не треба воопшто да јадат банани.
Кој не треба да јаде банани
Луѓето кои земаат бета блокатори за срцеви заболувања треба да јадат банани во умерени количини, бидејќи бета блокаторите предизвикуваат зголемено ниво на калиум. Премногу калиум е исто така опасен за луѓе чии бубрези не функционираат оптимално.
Исто така, се смета дека бананите може да предизвикаат мигрена кај луѓе кои се чувствителни на нив, па ако сте еден од тие луѓе јадете половина банана на ден.
Исто така некои луѓе се алергични на банани, па затоа треба да ги избегнуваат целосно ако им предизвикуваат симптоми како што се чешање, оток или осип.
Предозирање со банани
Препорачаната дневна количина на калиум кај здравите луѓе варира од личност до личност, но генерално треба да се изедат околу седум или осум банани за да се внесе калиум само од тој извор. Премногу калиум може да има катастрофални последици врз човечкото срце, но сепак, потребни се околу 400 банани дневно за да се дојде до таа ризична зона. Тоа значи дека, ако сте здрави, уживајте во бананите, па ако сакате изедете и повеќе парчиња.
