Ракот на дојка е болест која може да се излекува доколку се открие на време, а затоа служат превентивните прегледи на кои жените се упатуваат секоја година, како и самопрегледите дома. Жените кои имаат погусто ткиво во дојките или позитивна семејна анамнеза треба да почнат со прегледи на мамограф после 30 година од животот, а не после 50, како што им се советува на многу жени. Поранешните истражувања укажувале на големиот ризик на кој се изложуваат жените ако појдат на преглед пред 40 година од животот, а всушност голем број жени кои имаат 30 и нешто години се изложени на зголемен ризик од оваа опасна болест.
Заради тоа што не им се во фокус на лекарите и не се сметаат за толку загрозена категорија, последните години има се повеќе жени кои имаат помалку од 50 години, а кои имаат проблем со рак на дојката. Сите зборуваат за ризикот кој почнува од 40 до 49 година од животот, а малку кој зборува за ризикот на кој се изложени жените на возраст од 30 до 39 години.
Најголемиот ризик го сносат оние жени кои имаат позитивна семејна анамнеза и заболен од оваа болест во прво колено, и тоа и покрај нивната воразст. Како високо ризична категорија се наведуваат и жените кои имаат густо збиено ткиво во дојките.
Причината за тврдењето дека ваквото ткиво е опасно произлегува од сознанијата дека голем број заболени доаѓаат токму со вакви гради и многу помалку отколку оние кои имаат позитивна семејна анамнеза. Густината на градите се менува со годините. Помладите жени имаат цврсти гради затоа што дури подоцна во животот градите им стануваат поисполнети со масти.
Одењето на преглед со мамограф може да биде единствен начин да се констатира рак. Заради тоа стручњаците советуваат дека со скриниг треба да се почне порано и никако подоцна од 45 година. Ризикот нагло расте со годините и работите се влошуваат од 45 до 49 година и меѓу 50 и 54 година од животот. Особено е важно да се посвети поголемо внимание на жените кои имаат предиспозиции за болеста и дека со нивниот скрининг треба да се почне многу порано.
