Според податоците на американскиот Центар за контрола на болести и превенција повеќе од половина од луѓето не ни знаат дека имаат проблем со високиот притисок или не го контролираат редовно, што носи голем ризик по нивното здравје. Високиот крвен притисок е познат под називот „тивок убиец“, па освен оштетување на бубрезите и губење на видот може да доведе и до смрт. Затоа ако ви е дијагностициран висок притисок, освен редовната терапија посветете внимание и на исхраната. Постојат намирници кои НЕ треба да ги внесувате, а тоа се оние кои содржат натриум затоа што вишокот доведува до повлекување на водата од крвните садови и се создава вишок крв што предизвикува зголемен крвен притисок. Исто така, докажано е дека најмногу натриум внесуваме преку солта која во прекумерни количества ја има во готовата храна.
Ова е листата на намирници кои содржат најмногу натриум:
- Кифли и переци: еден перек може да содржи и до 230 мг натриум;
- Сувомеснати производи – и до 2 000 мг натриум во 100 г;
- Пица – едно парче може да содржи дури 760 мг натриум;
- Пилешко – само 100 г готови пилешки стапчиња може да содржат 600 мг сол;
- Купечка супа – една шолја може да содржи неверојатни 940 мг натриум.
