Работата, брзото и напорно темпо на животот, многубројните обврски прават да имаме многу малку време за јадење, па најчесто јадеме нешто набрзина, што се вели „од нога“, прескокнуваме оброци. Се се ова лоши навики. Со оваа тематика се бавело едно истражување спроведено неодамна, а кое опфатило повеќе од 5 000 учесници, кои биле поделени во три групи: брзи, нормални и бавни јадачи.
Ниту еден од нив на самиот старт од истражувањето немал никакви болести, ниту, пак, тегоби со желудникот. По пет години испитаниците морале да се појават на лекарски преглед.
Кај оние кои јаделе брзо постоела 89 отсто поголема веројатност за развој на еден од четирите метаболни синдроми, кои уште се нарекуваат и „смртоносниот квартет“. Тука спаѓаат: дебелина, нарушувања на метаболизмот на мастите (висок холестерол), висок крвен притисок и отпорност на инсулин (развој на дијабетес тип 2). Кај нив уште бил забележан и вишок на килограми. Иако вишокот килограми често пати делува единствено како естетски проблем, тоа всушност е подлога за развој на одредени болести.
Кога луѓето јадат пребрзо немаат чувство на ситост и продолжуваат да јадат. На тој начин внесуваат многу повеќе храна отколку што навистина му е потребно на организмот. Имено, откако желудникот ќе се наполни на човечкиот мозок му се потребни десетина минути да сигнализира дека сме сити и дека треба да престанеме да јадеме. А колку навистина може да се изеде во тие 10 минути доколку продолжиме брзо да јадеме?! Сите оние кои внимаваат на своето здравје и тежината, треба да внимаваат што внесуваат во телото, но и колку брзо ја јадат храната.
ВАЖНО:
Јадењето брзо може да предизвика неколку здравствени проблеми. Еве некои од најчестите:
1. Прејадување и зголемување на телесната тежина
Кога јадеш брзо, телото нема време да испрати сигнали за ситост до мозокот. Потребни се околу 20 минути за мозокот да регистрира дека си сит. Брзото јадење може да доведе до внесување повеќе калории отколку што ти се потребни.
2. Проблеми со варењето
Брзото јадење може да предизвика:
-
надуеност
-
гасови
-
стомачни грчеви
-
варење (индигестија)
Тоа се случува затоа што храната не се џвака доволно, па варењето почнува со потешкотии.
3. Зголемен ризик од метаболички синдром
Истражувањата покажуваат дека луѓето кои јадат брзо имаат поголема веројатност да развијат:
-
инсулинска резистенција
-
зголемен крвен притисок
-
зголемени нивоа на маснотии во крвта
Овие фактори го зголемуваат ризикот од дијабет тип 2 и срцеви заболувања.
4. Гастроезофагеален рефлукс (GERD)
Јадењето брзо и прејадувањето можат да го зголемат ризикот од враќање на киселина од желудникот кон хранопроводникот, што предизвикува горушица.
Совети:
-
Џвакај секој залак најмалку 20-30 пати.
-
Остави го приборот помеѓу залаци.
-
Не јади додека си во брзање или пред екран.
-
Јади во мирна, опуштена средина.
