![uvo](https://panacea.mk/wp-content/uploads/2019/11/uvo-696x392.jpg)
Оштетувањата на мозокот се случуваат пред и да ја забележите промената поврзана со губењето на слухот, укажува неодамнешно истражување. Значителни докази во последните години упатуваат на јасна врска меѓу губитокот на слухот и падот на когнитивните функции. Но сега истражувачите предупредиле дека дури и најраните фази на глувост, кога се уште можете да чуете шепот, можат, исто така, можат да ја нарушат работата на мозокот.
Кога се напнувате да слушате, тоа веќе претставува знак дека мозокот работи поинаку, се смета дека тогаш доаѓа до промени на структурата на самиот орган. Глувите личности, исто така, имаат тенденција да се изолираат што доведува до тоа дека мозокот им е помалку стимулиран. Причината за деменција и понатаму останува непозната, но се зголемуваат доказите дека памтењето на некој начин се брише од мозокот. Учењето на нови работи, како и друштвената интеракција, создаваат когнитивни резерви и со самото тоа отпор на оштетување на мозокот.
Истражувачите од Универзитетот Колумбија прегледале 6450 возрасни личности чија просечна возраст била 60 години. На учесниците им биле тестирани слухот и когнитивните функции. Научниците откриле дека на секои 10 децибели доаѓа до значително паѓање на когнитивните способности. Најголемо намалување на когнитивните способности имало кај оние чиј слух штотуку почнал да слабее.
Студијата не се бавела со тоа дали губитокот на слухот директно предизвикува когнитивно оштетување. Можно е слабеењето на слухот и когнитивните перформанси да се поврзани со вообичаените процеси врзани за стареењето, истакнале истражувачите. Но научниците велат дека е можно дека кога кај личноста ќе дојде до губење на слихот, таа тогаш се повлекува од социјалните активности.
„Лекарите на ова поле користеле 25 деципели, за гласност на шепотење, за да ја одредат границата меѓу нормалниот слух и благото губење на слухот кај возрасните, но ова ниво е произволно. Се претпоставува дека когнитивното оштетување нема да почне се додека личноста не го премине овој праг“, рекол доктор Џастин Голуб, оториноларинголог од Универзитетот Колумбија.
Губитокот на слухот не е бениген.
Поврзано е со социјална изолација, депресија, пад на когнитивните функции и деменцијата. Губитокот на слухот треба да се лекува што е можно поскоро. Спречувањето или лекувањето на губитокот на слухот би можело да ја намали зачестеноста на деменцијата, сметаат стручњаците и истакнуваат дека засега единствена опција е слушниот апарат.