Нашиот организам околу 60 отсто е сочинет од вода и сите сме свесни дека без неа ни нема живот. Но често заради обврски или од незнаење забораваме да го испиеме она количество кое ни е потребно секојднвено за да бидеме здрави и нашата кожа и коса да изгледаат свежо. Нутриционистите нагласуваат колкаво е минималното количество и велат дека водата е клучна за добар метаболизам, за сјајна коса и здрава кожа.
Ако не сте сигурни дали пиете доволно вода, можете да препознаете по сопственото тело, еве и како.
Водата не може да ја замени ништо, евентуално можете да испиете чај или лимонада. На просечна возрасна личност потребни и се 2 до 2,5 литри вода дневно. Количеството се зголемува ако се бавиме со физичка активност која предизвикува потење и забрзано дишење.
Наутро треба да се испие чаша вода после будење затоа што ноќе преку дишењето и нормалната дехидратација преку кожата губиме течност. Ако кожата ви е сува или по неа има првут или јазикот ја сменил бојата, тогаш сигурно е потребно да пиете повеќе течност. За да контролирате колку вода пиете во текот на денот – мерете! Само така ќе бидете сигурни. Потребно е секојдневно да пиете вода за метаболизмот добро да функционира.
Значи не е мит – два литри вода дневно е минимум. Сега знаете и зошто.
