Претераното потење (хиперхидроза) во 95 отсто од случаите не е опасно по живот, но, секако, е по квалитетот на животот.
Како да откриете дали се потите премногу?
Никој не може да каже колку пот всушност е премногу, а нема ни соодветен начин за се измери вкупното количество пот. Сепак, претераното потење се дефинира како количество пот кое предизвикува проблеми и стрес. Иако точните причини не се познати, само 3 отсто од луѓето се забележани со овој проблем. Повеќето луѓе кои патат од хиперхидроза всушност се потполно здрави. Студиите велат дека тие луѓе не се ништо понервозни или под поголем стрес од луѓето кои немаат ваков проблем. Од друга страна, хиперхидрозата може да предизвика вистински проблеми најмногу врз квалитетот на живот – претераното потење предизвикува срам, фрустрација, па може да доведе и со анксиознозт.
Ако имате некој од овие симптоми можно е да патите од претерано потење:
- често ја менувате облеката;
- одбегнувате да се ракувате;
- не се појавувате на друштвени настани само заради страв од потење;
- немате самодовореба во врските;
- тешко ви е да држите одредени работи в раце бидејќи постојано ви се лизгаат;
Дури кај третина од луѓето кои патат од хиперхидроза како главен симптом се наведува влошениот квалитет на живот. За жал, повеќето никогаш не бараат стручна помош, а би требало затоа што денес постојат толку суплементи, лекови и третмани кои можат да го намалат количеството на потење.
Во мошне мал број случаи ако претераното потење почне одеднаш, обавезно треба да побарате лекарска помош затоа што потењето всушност може да е симптом на некоја друга болест во организмот – инфекција, проблеми со хормоните, нервниот систем, па дури и рак.
