Просто и едноставно, ако се плашите и паничите, ќе се породувате подолго.
Нервозните и исплашени бремени жени во просек се породуваат осум часа, додека оние кои се смирени и опуштени – само шест и пол часа, тврдат научниците. Се смета дека секоја петта жена има голем страв од самиот чин на породување, а кога луѓето се исплашени, тогаш се излачува адреналин, кој, пак, ги спречува мускулните контракции на матката да работат правилно, со што се продолжува времетраењето на породувањето.
Секоја петта жена има голем страв од самиот чин на породување
Исто така, кај жените кои се премногу исплашени, породувањето почесто завршува со употреба на епидурална аналгезија или царски рез. Научниците од Универзитетот во Осло, Норвешка, спровеле анкета на 2 206 жени во 32-та недела од бременоста. Околу 7,5 проценти од бремените жени кои чекале прво дете признале дека се плашат од породувањето.
Стравот може да се избегне со добра подготовка за породување, бидејќи во принцип, жените најмногу се плашат од непознатото. Курс за бремени жени, посета на болница и сала во која се врши породувањето, како и информирање за тоа што се случува со телото после породувањето, можат значително да го намалат стресот.
