Стручњаците сметаат дека мирисот може да помогне при дијагностицирањето на болестите. Различните мириси упатуваат на различни болести, а лекарите се надеваат дека дијагностицирањето на болестите со помош на мирисот ќе напредува допрва, па така не само што ќе се спасат многу животи, туку и здравите луѓе помалку ќе се изложуваат на штетното зрачење.
Здивот на личност со дијабетес потсетува на ацетон, а ако мирисот потсетува на свежа риба тоа упатува на заболување на црниот дроб. Истражувачите објаснуваат дека инфекцијата на меурот резултира со тоа урината да мириса на амонијак. Заради шизофренија потта на човекот ќе мириса на оцет, а тифусот ќе направи кожата да мириса на печен леб. Заради жолта треска кожата ќе мириса на месарница, а инфекцијата на лимфните јазли ќе создаде мирис на застоено пиво.
Според зборовите на доктор Џорџ Прети, многу пациенти го почувствувале мирисот на рак, нешто, според кажувањата, ги асоцирало на скапано. Доктор Прети верува дека токму ова откритие би можело да доведе до нови начини за рано дијагностицирање рак. Посебно е заинтересиран за откривањето на ракот на јајниците кој обично се открива во поодмината фаза. Тој вели дека телото произведува хемикалии како резултат на нормалниот метаболизам, но канцерогените клетки влијаат на метаболизмот така што телото почнува да произведува поинакви хемикалии, па оттаму доаѓа и поинаквиот мирис.
Овие мириси се обично преслаби за да може човекот да ги почувствува, затоа и веќе се обучуваат животни кои можат да дијагностицираат дијабетес и карцином. Доктор Прети тврди дека тренираните кучиња можат со 90 процентна точност да ја дијагностицираат болеста, но и се надева дека токму тие ќе му помогнат да се открие единствениот „потпис“ на ракот, а тогаш би можел да се испрограмира и „електричен нос“ за откривање на овие болести.
