Возрасните лица кои јадат над две порции печурки неделно имаат за 50% поголеми шанси да не развијат когнитивни пречки, покжало ново истражување.
Во периодот од 2011 до 2017 година, научниците од Националниот универзитет во Сингапур спровеле истражување за влијанието на печурките во исхраната на здравјето. Тие утврдиле дека лицата кои неделно ќе изедат најмалку 300 грама печурки, имаат за 50% поголеми шанси дека нема да развијат когнитивни пречки. Тоа би можело да биде, тврдат тие, поради посебната состојка во печурките, која се нарекува ерготионеин.
“Тоа е единствениот антиоксидант кој делува противвоспалително, а луѓето не можат сами да го произведат. Но, во нашиот организам доаѓа преку храната, а се наоѓа токму во печурките“, појаснува д-р Ирвин Чеа од одделот за биохемија на овој универзитет.
Лицата вклучени во студијата со когнитивни потешкотии покажувале благи знаци на губење на помнењето, заборавање, тешкотии во говорот, изостанок на внимание и проблеми со видот. Во истражувањето биле вклучени шест вообичаени видови на печурки, а тоа биле свежи шампињони, буковка, шитаки, златни шампињони, како и маринирани и суви печурки. Во студијата биле вклучени 600 Кинези од Сингапур постари од 60 години на кои им биле мерени општите здравствени показатели како крвен притисок, телесна тежина, висина и брзина на одење. Потоа испитаниците минале низ опсежни невролошки тестирања за време на кои биле следени знаците на деменција.
