Бројни се дискусиите за комбинирање на вакцините против новиот коронавирус, а Центарот за превенција и контрола на болести на САД не советува да се прави тоа, освен ако се работи за одредена, посебна ситуација. Едно испитување открило дека комбинацијата на две различни вакцини може да доведе до повеќе реакции, но ниту една од нив не е многу сериозна.
Универзитетот Оксфорд спровел студија која вклучувала 463 волонтери, на возраст над 50 години. Од нив се барало да примат две дози од иста или комбинација од две различни вакцини, во период од 28 дена. Волонтерите биле поделени и во две групи од кои едната примила АстраЗенека вакцина прв пат, а вториот Фајзер. Другата група го направила спротивното – прва доза Фајзер, втора доза АстраЗенека.
Резултатот објавен во списанието The Lancet објаснува дека учесниците пријавиле благи симптоми како главобока, треска, болк во мускулите, откако примиле две дози различни вакцини.
Наведено е и дека 34 проценти од волонтерите кои прво примиле АстраЗенека, пријавиле дека се чувствуваат како да имаат треска (покачена телесна температура), додека исти симптоми пријавиле само 10 проценти од оние кои примиле две дози АстраЗенека. Околу 41 процент од оние кои прво примиле Фајзер вакцина, па потоа АстраЗенека пријавиле температура, а оние кои примиле само Фајзер ги искусиле истите симптоми, но само во 21 отсто од случаевите.
Според ова истражување, повеќето реакции се јавиле во рок од 48 часа по вакцинирањето. Ниту еден од учесниците не пријавил крвни згрутчувања ни седум дена по втората вакцинација.
Како резултат, авторите навеле дека “мешањето“ вакцини може краткорочно да донесе поголеми проблеми.
“Се работи за очекувани реакции, а се гледаат и кај стандардните процедури. Се работи за тоа да во ваков случај се јавуваат малку почесто, но и брзо минуваат“, додава д-р Метју Снајп, професор на Универзитетот Оксфорд.
