Модрици, подливи или хематоми се кожни промени главно со сина боја кои настануваат најчесто по удар. Всушност, се случува да после удар или некоја друга механичка траума дојде до нагмечување на мускулните влакна и сврзното ткиво. Тоа предизвикува пукање на капиларите од кои крвта потоа се излева под кожата: последица е модрица која на почетокот е црвенкаста, а потоа ги менува боите од сина до зелена и жолта и е болна на допир.
НАПУКНАТА КОСКА
Најмногу загрижуваат модрици кои не се појавиле како последица на некоја надворешна траума. Таквите модрици може да упатуваат на проблеми со крвта или се последица на земање лекови против згрутчување на крвта, на што може да упатува и крварење од носот или непцата.
Модриците често настануваат ако во организмот недостасува витамин Ц, а почести се кај повозрасни лица, поради многу тенката кожа. Стручњаците велат дека треба да се побара лекарска помош доколку модрицата отекува и на местото се чувствува силна болка, оти е можно под модрицата да е напукната коската.
Кај некои болести, како што е случај кај пореметувањето на згрутчувањето на крвта, модриците може да појават без некаде да сте се удриле. И кај лица кои земаат земаат средства против згрутчување на крвта, почесто се јавуваат. Може да појават и при хематолошки болести и тогаш се повторуваат и многу долго траат, и во тој случај никако не смеат да се игнорираат.
Кога е време за на лекар?
Поради неколку необјасниви модрици не треба да се загрижувате. Но, во ретки случаи, тие може да бидат знак за сериозна болест, како леукемија или дијабетес тип 2.
- Ако сте забележале нешто необично, односно да одеднаш почнат да ви се создаваат хематоми по телото или да се појавуваат не само по удар, макар и благ, туку се појавуваат спонтано, треба да побарате лекарска помош и да се извршат потребните испитувања за да се утврди за каков проблем станува збор.
- Ако мислите дека под модрицата ми е скршена коската
- Ако земате лекови против згрутчување на крвта и забележите модрици на кои не им ја знаете причината.
- Ако отекува и предизвикува силна болка.
- Ако не исчезнува и по две недели, односно ако по четири недели целосно не избледее.
- Ако е болна, а се наоѓа под ноктот на рацете или нозете.
- Ако модрицата се појави над окото, може да се очекува подливот да се прошири и под окото. Проверете дали може да ја мрдате зеницата во сите насоки и дали исто гледате како и претходно. Доколку се јави и главоболка и неправилности во видот, посетете веднаш стручно лице.
