Наближува пролетта, идеално време за стапување во брак. Доколку се уште се прашувате дали бракот е за вас или не, овој тест, кој го смислија психолозите, во голема мера ќе ви помогне да ги отворите очите.
Целата работа околу одлуката за венчавка е стресна за секоја двојка. Се треба да се испланира, организира, да одберете цвеќе, да поканите гости, да одберете датум… Листата е бесконечна. Кога тој ден конечно ќе помине, почнува вистинскиот живот, кој, како што велат бројни истражувања, е добар за здравјето. Венчаните луѓе имаат помал ризик од депресија, висок крвен притисок и холестерол. Сепак, нервозата пред свадба за некои луѓе може да биде премногу. Уште ако не сте со вистинската личност која ве поддржува во се, тогаш брачниот живот може да биде пекол. Ако сте еден од оние кои се уште се прашуваат дали се за брак или не, одговорете на следните десет прашања и решете ги сомнежите: дали вашиот избраник е вистинскиот?
Тест за компатибилност
- Дали ви е привлечен? (Иако изгледот не е најважната работа во животот, многу двојки велат дека физичката искра или поврзаност е клучот за интимноста)
- Дали се согласувате во донесување на големите одлуки? (Дали ќе имате деца, каде ќе живеете, како ќе се финансирате… Има многу важни животни проблеми за кои треба да се согласите пред венчавката.)
- Дали се согласувате со неговото семејство? (Како што не можете да го изберете своето, така не можете да го одберете ниту семејството на вашиот партнер.)
- Како се однесува во кризни ситуации? (Дали ве поддржува кога ви е потребно? Ова прави голема разлика.)
- Дали се забавувате заедно? (Заедничката смисла за хумор навистина може да помогне во развивањето интимност, особено кога физичката атракција почнува да бледнее.)
- Кои ви се топ 3 вредности? (Ако сте вие друштвени, а вашиот партнер сака осаменост, ќе мора да се најдете некаде на половина пат ако сакате да успеете заедно.)
- Каков ви е сексуалниот живот? (Можете ли слободно да разговарате за тоа што ви се допаѓа, а што не ви се допаѓа во креветот? Дали сте задоволни на тоа поле?)
- Дали се договоривте околу поделба на улогите? (Важно е однапред да се знае кој ќе остане дома со децата кога ќе биде потребно, како ќе ги распоредите финансиите итн.)
- Дали сте компатибилни од верска и културна перспектива? (Дали го разбирате и почитувате потеклото и позицијата на партнерот? Дали сте подготвени да прифатите евентуални разлики?)
- Што би направиле ако тргнат работите во лош правец? (Не е најромантичното прашање на светот, но важно е да бидете на чисто ако се покаже дека не сте еден за друг. Што ќе биде со финансиите, имотот и децата?)
Толкување на вашите одговори
Најважно е да разберете дека не мора да брзате да влезете во брак. Разводот е стресен за сите, и, пред се, скап – и финансиски и емоционално. Ако сте одговориле на повеќето од прашањата потврдно, тогаш можете слободно да запловите во брачни води. Ако главно сте одговорале со „не“, тогаш бракот се уште не е за вас. Мора искрено да ја согледате врската во која се наоѓате. Ситните несогласувања се сосема нормални, но околу големите работи мора да се согласувате. Ако, пак, вашите одговори се 50:50, време е за разговор со вашиот партнер од кој ќе одредите дали лоцираните проблеми можат да се поправат и дали можете да најдете компромис.
