Според информациите на Светската здравствена организација, подваријантата на омикрон или сублинијата, како што стручно се нарекува, ВА.2 во моментов е доминантна во светот.
Според Центарот за контрола и превенција на болести пак, минатиот месец ВА.2 варијантата чинела околу 35 отсто од случаевите, а ВА.1 околу 57. Се чини дека оваа нова подваријанта на омикрон е и до 30% полесно пренослива, а веројатно разликата е во амино киселините, протеините.
И во земјава, според последните извештаи на Институтот за јавно здравје, е доминантна оваа нова подваријанта или сублинија на омикрон. Во последниот кумулативен извештај на оваа институција се наведува:
“Во Лабораторијата за вирусологија и молекуларна дијагностика при ИЈЗ на РСМ, во текот на изминатата недела, е изведен PCR тестот базиран на Single Nucleotide polymorphism со користење на Vir SNiP SARS CoV 2 Spike S371L S373P за детекција на SARS CoV-2 кај 95 позитивни примероци на SARS-CoV-2 од болнички и примероци од пунктовите. Позитивните примероците се одбрани од тестираните позитивни во период од 21-26.03.2022 година, од следните градови: Скопје, Кавадарци, Тетово, Гостивар, Велес, Свети Николе, Кочани, Прилеп, Куманово, Штип, Неготино, Виница, Дојран и Гевгелија. Во 5 (5,3%) од испитуваните примероци е докажана BA.1 сублинијата на Омикрон. Во 90 (94,7%) од испитуваните примероци е докажана BA.2 сублинијата на Омикрон – позната уште и како stealth“.
Исто така, пронајдена е и разлика помеѓу овие две варијанти според тоа колку е посериозна болеста, но и тоа колку симптомите се слчини на оригиналната омикрон варијанта. Според пипувањата на СЗО, нема преголеми разлики помеѓу овие две подваријанти на омикрон кога е во прашање колку болеста ќе биде сериозна, што знали дека и симптомите се многу слични како и кај оригиналната омикрон варијанта.
Секако, симптомите може да бидат различни кај секого, но веројатно оваа варијанта ќе предизвика симптоми како настинка и грип, а тоа вклучува температура, кашлица и замор, а кај омикрон сепак многу поретко се јавува губење на мирис и вкус, како и сериозни компликации како воспаление на белите дробови.
Омикрон ќе резултира со многу поблаги симптоми кај лицата кои се вакцинирани и кои примиле бустер доза.
За оние кои не се вакцинирани, симптомите може да се развијат во малку посериозни, па дури и да доведат до хоспитализации или дури до смртен исход.
Важно е да се запомни дека некои лица нема да имаат никакви симптоми и ако се заразат, а тоа се однесува на едно од пет лица, па токму од тие причини, но и поради тоа што оваа нова варијанта многу лесно се шири, стручњаците во САД апелираа дека мора да се воведат мерки со цел да се стопира пребрзото ширење на вирусот.
“Некои програми може да помогнат тоа да се направи и да повнимаваме како ќе реагираме на оваа нова состојба“, велат експертите. И натаму е важно да се тестираме ако сме биле во друштво со заразени лица, но и ако чувствувате било какви симптоми кои би можеле да значат КОВИД-19.
КОИ ФАКТОРИ ГО ЗГОЛЕМУВААТ РИЗИКОТ ОД ДОЛГ КОВИД-19?
Нова студија се обидела да одговори на некои важни прашања, така што следела 200 пациенти со КОВИД-19 и ги следела нивните симптоми. Д-р Имаан Џоши открива некои информации.
“Истражувањето следеше мала група на луѓе позитивни на КОВИД па се до опоравувањето и неколку месеци потоа. Податоците беа споредени со контролна група здрави луѓе за да може да се впери прст во разликите“, додава д-р Џоши.
Според резултатите, се чини дека постојат 4 главни фактори за кои научниците веруваат дека може да претставуваат ризик за развој на долг КОВИД:
- Дијабетес тип 2
- Нивото на SARS-CoV-2 RNA во крвта
- Реактивиран Епштајн-Бар вирус (EBV) откриен во крвта
- Присуство на антитела (кои по грешка ги напаѓаат ткивата)
Д-р Џоши открива дека студијата покажала дека жените кои некогаш имале и респираторни болести, како и повеќе крвни зрнца, почесто се соочувале со дијагнозата долг КОВИД.
Џим Хит, водечки автор на студијата, вели дека смета дека истражувањето ја нагласува важноста од проверка и споредба на податоците во раната фаза на болеста за да се открие како да се третираат пациентите, дури и ако моментално не се знаат сите тие информации.
“Кога пациентот вели дека е постојано уморен, а лекарот му вели да се одмора повеќе… Тоа сакаме да го спречиме, бидејќи мора да се признае дека во таква ситуација нешто не е во ред со пациентот, а ако ги знаеме симптомите на долг КОВИД и што го предизвикува, лекарот веднаш ќе ги препознае“, нагласуваат д-р Хит.
