Познато е дека сонот е мошне важен за општата здравствена состојба, но никој не би ни помислил дека недостатокот од сон може да доведе до дехидратација.
Најновата студија објавена во магазинот „Sleep“ на универзитетот Оксфорд, покажува дека секое спиење во траење до 6 часа е опасно за организмот, затоа што може да доведе до дехидратација.
Научниците правеле истражување врз луѓе кои спиеле 6 часа и помалку и откриле дека урината им е поконцентрирана од оние кои спијат 8 часа и повеќе. Тоа значи дека имаат од 16 до 59 отсто повеќе шанси да дехидрираат.
Целата студија е заснована на следење на тоа како хормонскиот статус на организмот се менува со зголемувањето, односно намалувањето на сонот. Истражувачите се фокусирале на антидиуретскиот хормон, кој служи за регулација на течностите во телото.
„Вазопресинот побрзо се испушта подоцна во текот на сонот. Значи, ако се разбудите порано вие пропуштате значително количество од тој хормон и можете да дехидрирате“, појаснува Ешер Росингер, еден од авторите на студијата.
Вазопресинот има важна улога во организмот, и тоа да го оневозможи губитокот на течности во текот на сонот. Доколку не спиете доволно вие го уништувате вашето тело.
Студијата опфатила повеќе од 25 000 возрасни личности од Кина и САД, кои пополнувале прашалник за своите навики врзани за спиењето и давале урина на анализа. Вазопресинот не се мерел посебно, но заклучокот се донел врз основа на нивото на вода во урината. Ова истражување поставило директна врска меѓу спиењето и дехидратацијата на организмот, која понатаму може да предизвика проблеми со расположението, памтењето и моториката, но и болести на бубрезите. Имајќи го предвид ова, би требало да ги преиспитате своите навики затоа што така можете значително да си го продолжите животот.
