Алергиите на сонце, осносно фотодерматози, може да значат дека на организмот му недостасува калциум. Овој важен минерал се користи во третманост на сите видови алергии, бидејќи ја регулира пропустливоста на крвните садови и на тој начин ја ублажува алергиската реакција. Заедно со калциумот, се препорачува да се зема и витамин Ц, бидејќи многу ефикасно го намалува нивото на хистамин кој го произведува телото како одговор на алергијата и е одговорен за отоците, кивањете, насолзените очи, назалната конгестија и слични реакции. Витаминот Ц може да допринесе до 30 отсто за намалување на лачењето на хистамин, а калциумот ги стабилизира резервите на хистамин и така го намалува лачењето на овој хормон кој предизвикува чешање.
Некои од симптомите на алергии на сонце се силното чешање, осип, црвенило, акни, лупење на кожата. Промените на кожата обично се појавуваат на деловите од телото изложени на сонце, како што се деколтето, вратот, рамената, надлактицата, па дури и лицето. Алергија на сонце, за жал, не може да се спречи со кремите за сончање. За да се намалат непријатните симптоми на алергии на сонцето, но исто така и за зајакнување на коските, неопходно е да се земе доволно калциум.
Најдобри извори на овој минерал се млечните производи. Други видови храна што треба да ги вклучите во менито се сардините, лососот, алгите, зелениот зеленчук, сушеното овошје, оревите и тофу.
Дневниот внес на калциум за возрасни е 800-1000 милиграми. Но, треба да се внимава дека апсорпцијата на калциум е намалена при земањето на високи дози одеднаш (повеќе од 500 мг). Додатоците на калциумот најдобро е да се земаат пред спиење затоа што најдобро ќе се искористат.
Кај луѓето со намалена коскена минерална густина (остеопенија) или остеопороза дневно препорачаната доза изнесува 1200 mg калциум.
Внесувањето доволни количини од минералот, покрај олеснувањето на алергиите на сонце, ќе одигра важна улога и во спречувањето на остеопорозата.
