Во моментов, во ризична група не се само лицата кои немале КОВИД-19, туку многу се зборува и за повторна инфекција која останува причина за загриженост. Ако веќе сте ја имале болеста, за жал, тоа не значи дека сте заштитени од вирусот, особено што делувањето на вакцините слабее како поминува времето. Но, колку брзо може повторно да ја добиете болеста? Еве што велат експеритите.
СТРУЧЊАЦИТЕ ВЕЛАТ ДЕКА Е МОЖНО СИТЕ ПОВТОРНО ДА СЕ ЗАРАЗАТ
Центарот за контрола и превенција на болести (ЦДЦ) наведува дека, иако постои одредена заштита од првата болест и понатму постои шанса повторно да се заразите, и тоа не мора да значи само еднаш. Стручњаците денес веруваат дека вирусот кој стои зад болеста ќе се однесува како останатите коронавируси, што значи дека може да предизвика настинки кои ќе ги измачуваат луѓето неколку пати во текот на животот.
“Сметам дека од почетокот на пандемијата, КОВИД ќе стане неизбежна инфекција која секој ќе ја добие неколку пати бидејќи така се однесуваат респираторните вируси меѓу луѓето“, вели Амеш Адаља, експерт за заразни болести.
МОЖЕ ДА СЕ ЗАРАЗИТЕ МНОГУ ПОЛЕСНО ОД ПРЕТХОДНО
ЦДЦ често нагласувше дека може да се чека до три месеци за вакцина по болеста, бидејќи имунитетот е најсилен токму во тој период. Стручното списание The Lancet објави резултати од студијата во која се наведува дека повторната инфекција може да се случи веднаш откако ќе поминат тие три месеци.
Но, нови истражувања откриваат загриженост во врска со овие информации, па нова студија покажала дека некои лица добиле КОВИД0-19, 20 дена откако ја прележале болеста, а во прашање е подваријанта на омикрон, ВА.2. Данските експерти откриле дека околу 180 случаи на повторна инфекција биле пријавени многу брзо по првичната инфекција.
НОВА ИНФЕКЦИЈА МОЖЕ ДА ЗНАЧИ ПОБЛАГИ СИМПТОМИ НА БОЛЕСТА
Тоа би можело да биде добра вест, а токму споменатата студија од Данска открила дека повторна инфекција најчесто се јавува кај млади луѓе кои не се вакцинирани, а новата инфекција не резултира со исходи како болничко лекување и смрт. Според последните податоци од Министерството за здравство за 14. Јуни, во Скопје се регистрирани вкпно 50 новозаболени лица, а вкупниот број на нови инфекции изнесува 66. Од вкупниот број на позитивни случаи, 13 се реинфекции. Нема регистрирано ниту еден смртен случај.
Ова се совпаѓа со теоријата дека имунитетот од претходна инфекција може да помогне да се спречат сериозни исходи на болеста, дури и ако повторно се заразите, тврди д-р Шејн Кроти, виролог.
“Вашиот имун систем има разновидни оружја со кои ќе се обиде да го спречи вирусот и неговото влегување во организмот“, објаснува тој. Лекарите велат дека втората и третата инфекција најверојатно ќе бидат благи и кратко ќе траат. Студијата исто така открила и дека од околу 1.300 случаи на повторна инфекција, ниту едно лице не било хоспитализирано.
“Не постои магично решение против нова инфекција, но ако еднаш сте ја имале болеста и не сте вакцинирани, треба да го сторите тоа, особено ако сакате да избегнете повторна инфекција. Науката потврди дека имунитетот стекнат со вакцинација е многу посилен од природниот што се создал по првата инфекција“, потенцираат лекарите.
