Верувале или не мамурлакот може да се лекува со банана или индиски ореви, па и таблета против алергија, но се зависи од тоа што сте пиеле. Имено, секој вид алкохол предизвикува различни реакции и симптоми во организмот, па на тоа треба да се прилагоди и лекот, тврди нутриционистката Шер Кокс.
Еве кои совети ги дала на оние кои ќе претераат со алкохол, во зависност од тоа што се пиело:
Бело вино
Премногу вино генерално предизвикува воспаление, заради што белите крвни зрнца засилено произведуваат и во крвта испуштаат цитокини. Тоа се истите клетки кои се ослободуваат во крвта кога добивате грип и доведуваат до слични симптоми: главоболка, мачнина и умор. Бананата ќе го врати калиумот кој сте го загубиле заради диуретичкото влијание на алкохолот.
Црвено вино
Некои видови зрели вина можат да го поттикнат телото да почне да ослободува хистамин и да предизвика симптоми кои можат да се поврзат со алергијата, како суви очи и главоболки. Индискиот орев ќе го поткрене нивото на енергија, а освен тоа напијте се таблета против алергија, која ќе го намали производството на хистамини и симптоми на алергиска реакција. Добар избор може да биде и чаша млака вода со лажичка мед, која ќе го врати загубениот шеќер.
Џин тоник
Чаша вода со малку рендан ѓумбир ќе го смири желудникот изиритиран со претерана консумација на овој пијалак. За појадок изедете тост со лажичка мед. Медот содржи фруктоза, која ја забрзува апсорпцијата на алкохол.
Пиво
Љубителите на пиво од мамурлак најбрзо можат да се излечат со појадок кој содржи јајца и авокадо. Јајцата се богати со белковини и витамин Б, што помага за детоксикацијата на организмот затоа што содржат цистеин, аминокиселина која ги разградува токсичните нуспродукти настанати од алкохолот во организмот. Испијте и чаша до две јак чај што ќе му помогне на организмот да се рехидрира. Ви преостанува само да размислите како да го излечите „пивскиот“ стомак…
Шампањско
Меурчињата во устата додека пиеме шампањско оставаат впечаток како воопшто да не пиеме алкохол, па лесно може да се измамиме. Но главоболките може да бидат епски бидејќи токму благодарение на тие меурчиња алкохолот подобро се апсорбира во организмот. Најдобар лек: кока-кола со шеќер. Шеќерот ќе ви даде енергија, а кофеинот кој го содржи ќе го „поткрене“ организмот. За појадок изедете парче препечена сланина затоа што е богата со витамини од Б групата, па делува како катализатор кој помага алкохолот да се разгради.
Јаболково вино
Овошното вино кај многумина може да доведе до надуеност на желудникот. Првата помош може да биде шолја топла вода со малку ѓумбир, со лажичка мед или шеќер, така ќе го смирите желудникот и ќе го надоместите загубениот шеќер. Ако ова не помогне, изедете чинија супа. Таа ќе го рехидрира организмот, а богата е со триптофан, аминокиселина која му помага на организмот да произведе серотонин кој ќе ви го поправи расположението.
