Да се сфати што е нормално, а што не, може да биде предизвик ако не знаете на што треба да внимавате. Столицата може да биде во различни облици и величини, а формата може да се менува во зависност од тоа што јадете или што во моментот ви се случува во животот.
“Движењето на цревата кај секој е различно и зависи од исхраната, физичката активност, консумирањето вода, лекови“, велат стручњаците. И секој знае како неговото тело функционира кога оди во тоалет и како типично му изгледа столицата. Но, што ако работите се променат и во тоалет видите нешто понакво од вообичаеното?
Стручњаците откриваат кога е време за посета на лекар.
Црна столица
- Тоа значи дека крварењето доаѓа од горен извор на гастроинтестиналниот тракт како што се желудникот, хранороводот или тенкото црево. Појавата на темна или црна столица предизвикува и консумирањето на одредена темна храна, како суплементи железо или лекови кои содржат бизмут.
Светло црвена крв во столицата
- Ако забележите крв на тоалетната хартија, во водата или во самата столица, отидете на лекар. Краврењето може да се појави поради внатрепни хемороиди, анални пукнатини, ректални полипи или карцином.
Бледа, масна и со особено непријатен мирис
- Ова се нарекува стеатореа и настанува поради прекумерно маснотии во столицата. Стеатореата обично предупредува на намалена функција на панкреасот. Нејзината присутност укажува на потешкотии во апсорпцијата масти и оние кои ја имаат, поради неа неретко развиваат недостаток на витамини како А, Д, Е и К.
Слуз во столицата- Обично се случува поради воспалителни болести на цревата. Оваа состојба може да се види кај улцерозен колитис или Кронова болест. Тоа може да биде и поради воспаленија предизвикани од бактериска инфекција.
Тврда или нередовна столица
- Тоа значи запек, а обично е предизвикан од недостаток на влакна во исхраната, како и недоволен внес на вода. Но, може да предизвикан и од лекови, блокада во цревата, или во ретки случаи, рак на дебелото црево.
Водлеста или честа столица
- Проливот е вообичаен по лоша исхрана или инфекција, и во повеќето случаи не треба да трае подолго од една недела. Водлестата столица може да биде причина за загриженост ако проливот трае подолго од две недели или кога е во комбинација со крварење, губење на тежина или симптоми кои навечер ве држат будни.
