Бројни работи можат да влијаат на создавање на болката во петите, како што различни ударци, прекумерна тежина, неудобни обувки или некое воспаление. Мошне е важно да знаете дека непријатноста не би требало да ја чувствувате долго затоа што всушност има многу посериозни болести кои почнуваат со навидум обична непријатност во петите.
Еве што сè може да предизвика болка во петите и како да ја третирате секоја одделно:
Фрактура
Фрактурата или нагмечувањето може да се јави како резултат на физичка повреда. Лекувањето зависи од тежината на повредата. Некои, од полесните може да ги третирате со мобилизација. Одморање, мраз и држење на нозете над висината на срцето, исто така, би можело да биде од помош.
Реактивен артритис
Се развива како последица на инфекција која настанала во минатото како што е гонореја, салмонела, уреаплазма, дизентерија и други инфекции кои го погодуваат уринарниот и системот за варење. Чувството на болка во петата е само резултат на некои од овие инфекции, па ако се сомневате дека имате кламидија, гонореја или други генитални инфекции веднаш појдете на лекар затоа што тие болести мораат итно да бидат излекувани.
Артроза
Предизвикува деформитет на зглобовите и би можела да ги „закачи“ и петите. Решението е вбризгување хијалуронска киселина во зглобовите со цел да се зголеми нивната подвижност. Ќе почувствувате олеснување и ако ги загубите одвишните килограми кои вршат притисок на зглобовите и петите. Природна прва помош би можела да биде и масажата со лимон.
Бурзитис
Бурзитисот е воспаление на бурзата, мали затворени вреќички исполнети со течност сместени во внатрешноста на зглобовите. Ова воспаление може да помине само од себе, но докторот може да ви даде антибиотик или лек против болки за да се олеснат болките. Првата помош е при спиење да ставите перница меѓу нозете за помалку да чувствувате тензија. Ќе ви помогнат топли облоги на болните места.
Плантарен фасцитис
Плантарен фасцитис претставува воспаление на плантарната фасција, тоа е болна состојба за стапалата предизвикана од воспаление на спојот на табанската (плантарната) фасција. Постои универзален начин на лекување, но најважно е губењето на килограмите, ставање ладни облоги, а пред да станете од кревет наутро загрејте ги нозете така што ќе кружите со зглобовите прво на едната, па на другата страна.
Петен трн
Петниот трн е предизвикан со изместување на калциумот на коските кој се формира на долната страна на петата. Тоа може да биде мало коскено испакнување или збир од ситни израстоци со неправилен облик, кој се нарекува калканеум. Петните трнови понекогаш се болни и се опишуваат како чувство на убод со нож во петата, а некогаш не се ни забележуваат и може да се откријат само со рендгенска снимка. За ублажување на непријатното чувство носете ортопедски обвувки.
