Болните зглобови најчесто се симптом на артритис, а за оваа болест нема конкретен лек, туку се ублажува со специјална исхрана. Најважно е на менито колку што е можно почесто да имате намирници со антивоспалително дејство. Повеќето луѓе се свесни за значењето на масните киселини во исхраната, но постои и една маснотија која особено може да ги влоши болките во зглобовите и другите симптоми на артритис.
Во прашање е сончогледовото масло кое содржи омега-6, вид есенцијални масни киселини, но лекарите предупредуваат дека тоа ги засилува воспалителните процеси во телото. Особено ако го користите често и во големи количества.
Наспрема тоа, омега-3 масните киселини ги ублажуваат воспалителните процеси и затоа треба почесто да консумирате намирници кои ги содржат. Тоа се масни риби како сардините, скушата и лососот, но и ленено масло, лешници и масло од грозје. Од друга страна, омега-6 нема само во сончогледовото масло, туку и во пченкарното и соиното.
