Денешниот т.н “седечки“ начин на живот се повеќе влијае на нашето здравје, а болката во вратот е првиот знак дека мораме да преземеме нешто околу тоа. Но, кај болката во вратот можете и сами да си помогнет. Со оглед дека овој тип на болка може да биде фрустрирачки, но и да ги отежнува секојдневните задачи, д-р Мајк Бол нуди неколку совети како да си помогнете со вежби за истегнување.
ШТО ПРЕДИЗВИКУВА ВКОЧАНЕТОСТ ВО ВРАТОТ?
Постојат многу работи кои можат да бидат тригер, но често се работи за последица од лоша положба при спиење или истегнување на мускулите, тврдат експертите од Клиниката Кливленд. Можеби и вашата работа бара долго да седите и да пишувате на тастатура. Д-р Бол истакнува дека можеби претерано сте ги користеле мускулите или дошло до повреда. Во некои ретки случаи, болката во вратот може да значи нешто посериозно, како што се проблеми со ‘рбетот и артритис.
Ако нелагодноста што ја чувствувате не исчезне во нормален временски период, или ако се јавила и главоболка, температура или мачнина, задолжително проверете кај вашиот лекар што е проблемот за да можете да започнете со лекување или барем да ја елиминирате идејата дека се работи за посериозен проблем. Тој наведува дека постојат вежби за истегнување кои можете да ги испробате, но често тоа се наједноставните и најдобри.
ОВА СЕ НАЈДОБРИТЕ ВЕЖБИ ЗА ИСТЕГНУВАЊЕ ЗА БОЛКА ВО ВРАТОТ
Кога станува збор за истегнување на мускулите на вратот, треба да ја вртите главата во различни насоки се додека ви е удобно. Потоа треба да останете во таа положба неколку секунди ако можете, но не ја игнорирајте болката.
“Ако се јавува силна болка во одредена положба, немојте да ја изведувате. Кога вкочанетоста на вратот е резултат на истегнување на мускулите, што е често случај, често болката ќе помине по неколку дена и можете повторно да ја испробате оваа вежба за истегнување“, советува докторот.
Овие вежби можат да ви помогнат, запомнете ги за да ви послужат кога ќе се појави болка во вратот:
Истегнување на вратот: За оваа вежба, навалете ја главата наназад колку што можете и погледнете нагоре кон небото. Држете во таа положба неколку секунди.
Нанапред со вратот: Истегнете ја главата докрај напред, така што вратот ќе се истегне, а во исто време брадата треба да ги допира градите, додека вие останете во оваа поза неколку секунди.
Странично истегнување: За да ја изведете оваа вежба, туркајте ја главата напред колку што можете, но на страна. Увото треба да биде многу блиску до рамото. Останете во таа поза неколку секунди и повторете сè на другата страна.
Кружење со вратот: Оваа вежба е едноставна, само треба да кружите со вратот за почеток од десната страна и да останете во таа поза кратко време и да повторите сè на другата страна.
Истегнување на рамото: Потребно е главата да ја движите под агол од 45 степени и да го насочите погледот кон пазувите и така да останете неколку секунди. Повторете сè на другата страна.
