Често се верува дека исхраната со малку маснотии е здрава, па иако е можно да јадете премногу маснотии, постои и причина зошто во исхраната би требало да воведете повеќе здрави маснотии.
Новите истражувања покажуваат дека промената во режимот на исхрана што е богат со вредни, корисни маснотии, може да биде и најдобрата навика за оние кои имаат проблеми со замастен црн дроб. Била направена контролирана студија, во која биле собрани податоци од 165 лица кои биле на возраст од 18 до 78 години и имале дијабетес тип 2 и неалкохолен црн дроб. Во текот на студијата, 110 испитаници добиле задача да се придржуваат до исхрана со малку јаглехидрати, но со многу маснотии во период од 6 месеци, додека 55 испитаници биле на исхрана со малку маснотии. Задачата била да јадат се додека не се заситат.
Испитаниците од првата група, се покажало дека 61% од калориите ги добивале од маснотии, а авторката на студијата Камила Хансен вели дека испитаниците морале да ги менуваат навиките бидејќи не е лесно да се јадат толку маснотии, особено кога со години слушале дека не се добри за организмот. Се покажало дека испитаниците од истата група поуспешно го контролирале дијабетесот и дека им се намалил процентот на маснотии во црниот дроб, како и дека изгубиле и повеќе од 5 килограми. Хансен заклучува дека се покажало оти ќе профитирате од маснотии во исхраната ако маснотии во црниот дроб.
НЕАЛКОХОЛНАТА БОЛЕСТ НА ЦРНИОТ ДРОБ Е ПОСЛЕДИЦА И НА НАЧИНОТ НА ЖИВОТ
Најбрзо растечката болест на дигестивниот систем, неалкохолната болест на замастен црн дроб, се јавува како резултат на “модерниот начин на живот“ кај лица кои не консумираат алкохол. Неалкохолната болест на замастен црн дроб (NAFLD) е состојба при која се доаѓа до создавање на прекумерни масни наслаги во црниот дроб. Неалкохолниот стеатохепатитис (NASH) се појавува кога поради вишокот маснотии се создава воспаление, односно фиброза (лузни) во црниот дроб. NAFLD е една од најчестите причини за болести на црниот дроб кај возрасните и децата, а погаѓа повеќе од 115 милиони луѓе ширум светот.
