Херпесот на устата е мошне непријатна појава. Освен што пече, чеша и долго трае, може да претставува и естетски проблем. Херпесот е инаку последица на инфекција со вирусот херпес симплекс, а се пренесува со употреба на заеднички прибор за јадење, бакнежи… Откако ќе се заразиме со овој вирус тој постојано е присутен во телото, скриен во нервот во близина на устата и носот, а на површина избива по пад на имунитетот.
Постојат разно-разни препарати со кои можете да си помогнете, но можете да се изборите и на потполно природен начин.
- Направете густа смеса од три крупни зрна лук, ситно изрендани, и 100 грама мед. Со оваа смеса мачкајте ги инфицираните делови;
- Херпесот можете да го излекувате и ако го мачкате со 3% хидроген или масло од тиква;
- Уште еден природен лек за херпесот е брашното од хељда. Едноставно, една лажица брашно прелијте со два филџани превриена вода, малку проварете и со добиената смеса мачкајте преку болното место;
- Измешајте лажица сол и лажица сода бикарбона со малку вода за да добиете густа смеса со која ќе се премачкувате неколку пати на ден.
- Како природни лекови против херпесот добро ќе ви дојдат и нането, прополисот и алое верата.
