Ако ви се јаде чоколадо, а чувствувате грижа на совест, може да здивнете. Научните истражувања покажале дека чоколадата придонесува за подобро функционирање на женското тело, побавно стареење и подобра циркулација на крвта.
Консумирањето чоколадо поттикнува ослободување на ендорфин во мозокот, што не смирува, податок кој го знаеме од порано. Но, научниците велат дека создава чувство на задоволство кое е посилно од она што го чувствуваме додека ја слушаме омилената музика, нешто како кога сме заљубени.
Во периодот од месецот кога жената има предменструални тегоби, нивото на серотонин во мозокот е ниско. И тука повторно може да помогне некое фино чоколадо
Чоколадото се наоѓа на листата на намирници кои содржат магнезиум, познат по тоа што ја поттикнува активноста на невротрансмитерите, производството на допамин. Во неа има и антиоксиданти кои го забавуваат процесот на стареење. Може да го подобри крвниот притисок и циркулацијата на крвта и да му даде дополнителна енергија на телото.
