Сувата кашлива, температурата и краткиот здив од почетокот на пандемијата се сметаат за главни симптоми на болеста КОВИД-19. Со тек на време, меѓу пациентите се воочени и некои други симптоми како губење на осетот за мирис и за вкус, а според најновите сознанија, инфекцијата може да предизвика и кожни промени.
Лекарите таквите промени ги нарекле “Covid toes” или КОВИД ножни прсти, а најчесто станува збор за отоци со црвена или црвено-виолетова боја кои се чувствителни, чешаат и/или создаваат чувство на “жарење“. Најчесто се појавуваат на прстите на нозете, но и на петите и на прстите на рацете.
Јоана Харп, американски дерматолог на Универзитеот Корнел, специјалист за кожни пореметувања поврзани со внатрешни болести, вели дека повеќето пациенти кај кои е воочена оваа промена биле асимптоматски или имале благи симптоми и начесто целосно се опоравуваат во домашни услови.
Хумберто Чои, лекар на клиниката во Кливленд, објаснува дека не е невообичено да некој кој има вирусна инфекција добије осип или дамки на телото.
“Тоа може да се случи и со други вирусни респираторни инфекции, како сипаници. Оваа состојба може да предизвика мало запушување или микро тромбови во крвните садови кои се наоѓаат на прстите на нозете или на рацете“, вели д-р Чои.
