Младежите во повеќето случаи се безопасни, но на нив треба да се посвети внимание, особено ако забележите промени. Меланомот е еден од најтешките облици на рак на кожа, но ако се открие на време може да биде отстранет со хируршко отстранување на проблематичниот младеж. Но затоа е важно да појдете на лекар штом забележите некоја од следните промени.
Нов младеж
Во 75 отсто од случаите меланомот не е поврзан со веќе постоечкиот младеж, туку расте како нова лезија на кожата, велат стручњаците.
Промена на обликот
Повеќето младежи растат рамномерно во сите насоки. Кога имате меланом тоа не е случај, туку младежот расте во различни насоки така доведувајќи до асиметричен изглед.
Промена на бојата
Младежот е со поинаква боја во зависност од тоа колку длабоко во кожата е меланинот. Ако е поплитко во кожата тогаш изгледа црно, а ако е таму каде што би требало да биде, меѓу првиот и вториот слој кожа, изгледа браон, а ако е длабоко во кожата може да изгледа сино или да е во друга боја. Ако имате младеж од различни бои значи дека меланинот е во слоевите на кожата каде што не би требало да биде, а тоа сигерира на меланом.
Различна висина
Некои младежи се рамни, некои испапчени и тука нема ништо проблематично. Но ако забележите дека „висината“ се менува, тоа може да е проблем.
Нееднакви рабови
Рабовите обилно можат јасно да се видат, а ако не е така треба да појдете на лекар. Имено, рабовите на младежите може да бидат нееднакви заради клетките на меланомот.
Ако забележите нешто „сомнително“ на младежот, појдете на лекар! Секогаш е подобро да проверите на време и да утврдите дали се е во ред.
