Акромегалија е хормонално пореметување кај кое хипофизата, мала жлезда во мозокот произведува претерани количини на хормонот за раст. Вишокот обично доаѓа од бенигни или неканцерогени тумори на хипофизата, аденоми. Акромегалијата најчесто се дијагностицира во средовечната возраст, иако симптомите можат да се јават на било која возраст. Ако не се лечи, акромегалијата може да доведе до сериозни заболувања и до прерана смрт. Кај најголемиот број од пациентите оваа состојба е излечива, но заради баните и непредвидени напади, најчесто не се дијагностицира навреме.
Најсериозни здравствени последици на акромегалијата се:
- Дијабетес тип 2
- Висок крвен притисок
- Зголемен ризик од кардиоваскуларни болести
- Артритис
- Зголемен ризик од полипи на дебелото црево, кои можат да с еразвијат во рак на дебелото црево
Кога туморите кои го поттикнуваат зголеменото производство на хормонот на раст се јавуваат во детството се развива болест која се нарекува гигантизам. Детската висина се одредува според должината на бутната коска, а како одговор на претераното производство на хормонот, овие коски растат во должина, а децата растат несоодветно за возраста.
