Aknet e foshnjave janë puçrra që zhvillohen në lëkurën e një të porsalinduri – shpesh në fytyrë dhe qafë. Gjendja është e zakonshme dhe e përkohshme. Ju mund të bëni shumë pak përpjekje për ti parandaluar aknet e foshnjave. Zakonisht pastrohen vetë pa lënë shenja. Aknet e foshnjave janë gunga të vogla, të përflakura në fytyrë, qafë, shpinë ose gjoks të foshnjës. Shpesh zhvillohen brenda 2 deri në 4 javë pas lindjes.
Gjithashtu, shumë foshnja zhvillojnë gunga të vogla si puçrra në fytyrën e tyre. Këto pika të padëmshme, të quajtura milia, zhduken vetë brenda disa javësh.
Bisedoni me pediatrin tuaj nëse jeni të shqetësuar për lëkurën e foshnjës suaj. Aknet e foshnjës mund të shkaktohen nga ndikimi i hormoneve të nënës pak para lindjes. Aknet e foshnjve zakonisht mund të diagnostikohen gjatë ekzaminimit. Nuk kërkohet testim.
Aknet e foshnjave zakonisht pastrohen vetë brenda katër javëve pas lindjes. Në këto situata, nuk kërkohet trajtim mjekësor.
Nëse aknet e foshnjës tuaj zgjasin shumë më gjatë, Mjeku pediatër mund t’ju rekomandojë një krem medikamentoz ose një trajtim tjetër. Mos përdorni asnjë ilaç pa recetë dhe pa u konsultuar më parë me pediatrin e fëmijës suaj.
Këto këshilla janë të dobishme për kujdesin ndaj lëkurës së foshnjës suaj:
Pastroni fytyrën e foshnjës tuaj çdo ditë. Lani çdo ditë fytyrën e foshnjës me ujë të ngrohtë. Bëni një kombinim një ditë vetëm me ujë dhe ditën tjetër përdorni një sapun të butë dhe hidratues të fytyrës.
Thajeni butësisht fytyrën e foshnjës tuaj. Thani lëkurën e foshnjës tuaj.
Mos i shtrydhni apo fërkoni aknet. Mund të shkaktoni më shumë acarim ose infeksion.
Shmangni përdorimin e kremrave ose vajrave. Produkte të tilla me shumë gjasë përkeqësojnë aknet e foshnjës.
Për aknet e foshnjave, disa pyetje bazë që duhet t’i bëni mjekut tuaj përfshijnë:
Gjendja e fëmijës tim a ka gjasa të jetë e përkohshme apo e zakonshme?
Cilat trajtime janë në dispozicion?
Çfarë më këshilloni për kujdesin e lëkurës së foshnjës sime?
A do të lërë shenja kjo puçrra në fytyrën e fëmijës tim?
Për të përcaktuar ashpërsinë e akneve të foshnjës suaj, ofruesi i kujdesit shëndetësor të foshnjës mund t’ju pyesë:
A keni një histori familjare të akneve të rënda?
A ka pasur foshnja juaj në kontakt me ndonjë medikament që mund të shkaktojë puçrra në fytyrë, të tilla si kortikosteroide ose medikamente që përmbajnë jod?
Përktheu dhe përshtati:S.N
