Ewa Moskvitc është nënë e tre fëmijëve dhe eksperte përnderimi. Ajo me dekada punon me prindër dhe fëmijë. Ajo thotë se shumë shpesh sheh prindërit të cilët harxhojnë shumë energji për t’i mësuar fëmijët e tyre për sjelljen e përgjegjshme, për të mbajtur dhomën të rregullt ose për rëndësinë e kryerjes së detyrave të shtëpisë.
“E gjithë kjo është e rëndësishme, por ekziston një gjë që shumë prej nesh e harrojnë plotësisht: si ta shijojmë jetën”, thekson Moskovitc.
Shumë fëmijë të lumtur kur të rriten bëhen fëmijë të pakënaqur. Ekziston një ndryshim midis të shijuarit e jetës si një fëmijë dhe të qenit gati për të shijuar jetën si i rritur.
“Në përvojën time, njerëzit janë më të lumtur kur jeta e tyre përfshin një lloj aktiviteti kuptimplotë dhe produktiv. Fatkeqësisht, ne jemi të bombarduar vazhdimisht me mesazhin se lumturia vjen nga konsumi”, beson ajo.
Blerja nuk është shpërblimi më i madh dhe Moskovitc beson se prindërit nuk duhet t’u mësojnë fëmijëve se ne do të jemi të lumtur vetëm nëse blejmë një makinë më të bukur ose një shtëpi më të madhe.
“Edhe nëse fëmija juaj nuk është drejtpërdrejt i ekspozuar ndaj shumë reklamave, ai mund të ekspozohet ndaj kulturës që ka krijuar reklama. Një mik i tregon atyre një lodër të re të mahnitshme që kanë marrë, ose marrin pjesë në një festë ditëlindjeje ku shoqja është e mbushur me dhurata”, shton ajo.
Fëmijët më të lumtur vlerësojnë më shumë përvojat sesa gjërat materiale
Mos e inkurajoni fëmijën tuaj të besojë se zotërimi i gjërave sjell lumturi duke i dhënë shumë dhurata, thotë eksperti.
“Koncepti për të shprehur dashurinë tuaj për dikë duke i dhënë atij një dhuratë është një ide e bukur që dikur funksiononte mjaft mirë, por shumë fëmijë sot marrin aq shumë gjëra saqë shpejt bëhet përditshmëri”, shpjegon ajo.
Sa i përket ditëlindjeve, Moskovitc sugjeron përdorimin e tyre si një mundësi për të përforcuar vlerat tuaja. Burri i saj Erik refuzon dhuratat për ditëlindjen e tij dhe në vend të kësaj u kërkon fëmijëve të ndajnë me të një kujtim të diçkaje që u pëlqente të bënin si familje.
“Ju gjithashtu mund t’i ndihmoni fëmijët tuaj të krijojnë dhurata për bashkëshortin tuaj që do të jenë kuptimplote, të tilla si një kartolinë e punuar me dorë, një tortë e bërë vetë ose recitimi i një poezie,” thotë ajo.
Luani lojëra me fëmijët tuaj për tu treguar se sa argëtim mund të kenë me një kuvertë të thjeshtë letrash. Ndërtoni një shtëpi me pemë ose piqni një tortë me ta për të treguar kënaqësinë që vjen nga aktivitetet produktive. Shkoni në një muze dhe tregojuni fëmijëve se sa kënaqësi mund të krijojë aktiviteti intelektual. Nëse mund t’u mësoni fëmijëve tuaj vlerën e këtyre gjërave të vogla, shanset e tyre për lumturi do të rriten pa masë kur të rriten.
