Fëmijët janë mjaft të drejtpërdrejtë dhe nuk e kanë problem të na tregojnë atë që kanë në mendje, ndonjëherë edhe më shumë. Megjithatë, kur diçka është shumë e rëndësishme dhe kur ata diçka i shqetëson, gjërat nuk shkojnë aq lehtë, dhe pikërisht tani është koha që ti njihni ato…
Fëmijët deri në një moshë të caktuar parashkollore përgjithësisht nuk kanë filtra për atë që na thonë. Shpesh herë ne do të dëshironim aq shumë që gjërat që i kanë në mendje mos të na thonë në çdo minutë dhe orë. Ndonjëherë na pëlqen të mos dëgjojmë çdo detaj dhe nuk duam t’i dimë fare. Dhe ne e dimë se sa detalist mund të jetë një fëmijë – veçanërisht kur bëhet fjalë për diçka, për shembull, diçka të neveritshme.
Më pas ata arrijnë në moshë të caktuar – jo shumë të rritur, për shembull kur fillojnë shkollën,– dhe fëmijët disi nuk ndajnë gjithçka. Dhe atëherë është e rëndësishme për ne të dimë gjithçka. Pastaj disi mësohemi të mos na thonë gjithçka, madje me kalimin e kohës duket se ndalojmë së dëgjuari pak.
Fillimi i shkollës, për shembull, është një kohë kur fëmijët duan të na tregojnë shumë, por jo gjithmonë dinë se si. Nëse diçka i shqetëson shumë, ata kanë nevojë për kohë për t’u afruar me ne, dhe pastaj të fillojnë një bisedë, domethënë të na tërheqin vëmendjen te vetja dhe madje të thonë gjithçka që i shqetëson. Nëse nuk ndihen mjaftueshëm të sigurt për momentin, mund të përfundojnë duke mos thënë as atë që i shqetëson.
Këto fjali janë veçuar nga ekspertët e shëndetit mendor të fëmijëve si fjali që nuk duhen anashkaluar kurrë nëse i dëgjojmë nga goja e fëmijëve.
- Dua të flas me ty.
- Më duhet të ndajë diçka me ty.
- A ke kohë për…
- A do të më duash pa marrë parasysh rrethanat?
Kur dëgjoni njërën nga këto fjali, në këto raste dëgjoni me vëmendje fëmijën tuaj, falënderoni që e ka ndarë me ju dhe konfirmoni dashurinë tuaj për të.
Sigurisht që mund të ndodhë që kur të afrohet të mos keni kohë ose të mos dëshironi të flisni. Nëse ai ju afrohet në një moment kur ju nuk mund të flisni, sigurohuni që fëmija ta dijë se ajo që ka për të thënë është e rëndësishme për ju. Shikoni fëmijën në sy dhe thoni: “Të dëgjoj dhe dua të dëgjoj më shumë”. A mund të presim 20 minuta derisa të mbaroj në telefon me … pastaj mund të ulemi dhe të kemi gjithë kohën që ju nevojitet për të folur dhe dëgjuar atë që ju shqetëson.”
