Adoleshenca është një kohë kur të rinjtë dëshirojnë lirinë. Kjo periudhë karakterizohet nga një dëshirë për pavarësi, por mbështetja e prindërve vazhdon të luajë një rol të rëndësishëm teksa adoleshentët përshtaten me rolet dhe përgjegjësitë e reja.
Edukatorja e prindërve dhe psikologu Xhejmi Bloh ndan nëntë gjëra që adoleshentët e kësaj moshe kanë ende nevojë nga prindërit e tyre. Ajo pohon se si psikologe e njeh shumë mirë mendjen e të rinjve dhe e di se çfarë i ndihmon ata të ndihen të dashur, të sjellshëm dhe të mbështetur.
Ajo rekomandon këshillat në vijim:
- Jini mikpritës dhe pranoni miqtë e fëmijëve tuaj.
- Pranoni kush janë ata (stilimi i flokëve, rrobat, stili).
- Dëgjoni ata kur ju thonë ose shpjegojnë diçka.
- Qëndroni të qetë edhe kur ata ndajnë problemet e tyre me ju.
- Respektoni nevojën e tyre për hapësirë dhe mos e merrni atë personalisht.
- Dhuroni atyre surpriza të vogla.
- Përdorni humor dhe qeshni me ta sepse ata ende duan të luajnë.
- Tregojuni se i doni dhe tregoni gjeste të vogla dashurie, si një përqafim.
- Mbështetni dhe inkurajoni ata.
“Ne duhet të punojmë për marrëdhëniet me adoleshentët tanë që në fillim. Edhe nëse nuk jeni të afërt me fëmijët tuaj, ekzistojnë shumë mënyra se si mund të rindërtoni një marrëdhënie të sigurt me ta. Adoleshentët vërejnë gjithçka, madje edhe gjestet më të vogla të dashurisë. Herën tjetër që dëshironi të lidheni me ta, provoni të bëni diçka nga kjo listë”, përfundon Bloh.
