Kandili i detit është një krijesë e zakonshme detare që gjendet pothuajse në çdo det oqean. Ka shumë lloje të kandilave të detit, të gjitha me tentakula. Disa mbajnë helm në tentakulat e tyre si një metodë vetëmbrojtjeje kundër grabitqarëve. Është ky helmi që e bën thumbimin kaq të dhimbshëm të një kandili deti. Shumica e llojeve të pickimeve të kandilit të detit shkaktojnë shqetësime, disa prej tyre mund të jenë kërcënuese për jetën. Qytetarët tanë që pushojnë çdo vit në Greqi, Kroaci, Shqipëri, Turqi dhe Egjipt kanë takime të shumë të shpeshta dhe të afërta me këto gjallesa deti, helmi i të cilave di ta bëjë trupin të reagojë ose të shkaktojë alergji serioze.
Simptomat më të zakonshme të pickimit të kandilit të detit përfshijnë:
ndjesi djegieje, djegie e lëkurës
ndjesi shpimi gjilpërash ose mpirje në vendin e pickimit
lëkura në zonën ku jeni të kafshuar nga kandili i detit bëhet e kuqe ose vjollcë
Simptomat më të rënda të pickimit të kandilit të detit përfshijnë:
të përziera
marramendje
të vjella
gulçim
Ashpërsia e simptomave tuaja varet nga lloji i kandilit të detit që keni hasur dhe sa është prekur lëkura juaj me helmin e tij.
Trajtimi i pickimeve të kandilit të detit
Trajtimi nga pickimet e kandilit të detit kryesisht varen nga reaksionet alergjike nëse ato ndodhin.
Lehtësim i menjëhershëm i trajtimit
Shumica e pickimeve të kandilit të detit mund të trajtohen menjëherë me ujë të kripur ose një shpëlarje me ujë të ngrohtë. Kjo do të ndihmojë në uljen e ndjesisë së djegies nga pickimi. Mund t’ju ndihmojë gjithashtu një dush i nxehtë sa më shpejt të jetë e mundur. Një studim i fundit erdhi në përfundim se pickimet e kandilit të detit trajtohen në mënyrë më efektive me ujë të ngrohtë sesa me kuba akulli.
Ilaçe pa recetë
Nëse keni shumë dhimbje, mund të provoni të aplikoni një qetësues të dhimbjes si lidokaina. Ilaçet kundër dhimbjeve si ibuprofeni gjithashtu mund të ju ndimojnë.
Ju mund të zbuloni se jeni alergjik ndaj pickimeve të kandilit të detit pasi të jeni pickuar. Nëse keni një reaksion alergjik, të tilla si urtikarie, një krem antihistaminik pa recetë do të ndihmojë në lehtësimin e simptomave.
Ilaçet shtëpiake
Disa njerëz besojnë se aplikimi i sodës së bukës në vendin e pickimit do të qetësojë lëkurën dhe do të nxjerrë jashtë helmin e kandilit të detit. Uthulla është gjithashtu një ilaç popullor për pickimin e kandilit të detit. Por efektiviteti i të dyja këtyre barnave nuk është përfundimtar. Përdorimi i një shpëlarjeje me uthull mund të ndihmojë tek disa nga llojet e kandilit të detit, por jo tek të gjithë.
Medikamente për reaksione të rënda
Një reagim ndaj një lloji më të rrezikshëm të kandilit të detit do të duhet të trajtohet me antiveninë. Ky është një ilaç i veçantë i formuluar për të luftuar helmin e një race specifike të kafshëve. Antivenina për pickimet e kandilit të detit mund të gjendet vetëm në spitale.
Çfarë nuk duhet të bëni kur ju pickon një kandil deti
Është një besim popullor që urina e njeriut mund të përdoret për të trajtuar pickimin e kandilit të detit. Kjo nuk është asnjëherë e vërtetuar. Urina e njeriut nuk është një trajtim mjekësor sanitar. Trajtimi i zonës së pickimit me ujë të kripur të oqeanit ose shpëlarja me ujë të ngrohtë është një metodë trajtimi shumë më e mirë dhe më efektive.
Mos e fërkoni zonën ku jeni pickuar për disa orë dhe shmangni rërën pranë plagës.
Shpëlarja me ujë të freskët mund të jetë një ide e mirë, por mund të shkaktojë më shumë pickime nga kandili i detit nëse ato janë ende në lëkurën tuaj. Në vend të kësaj, nëse vendosni të bëni një tush të ngrohtë, do tju ndihmojë pa dëmtuar më tej pickimet e tij. Zgjedhja për një dush të ngrohtë në vend të kësaj do t’ju ndihmojë të shpëlani lëkurën dhe të shmangni pickimet.
Shmangia nga pickimi i kandilit të detit
Është e njohur ajo se, disa trupa ujorë përmbajnë një numër të madh të meduzave. Noti në trupat ujorë ku dihet se lulëzojn kandili i detit rrit shanset për pickime.
Noti në drejtim të erës rrit gjithashtu gjasat për t’u pickuar, pasi kandili i detit udhëton me rrymën. Njerëzit që peshkojnë, zhyten ose notojnë në ujë të thellë kanë më shumë gjasa të pickohen nga kandili i detit. E njëjta gjë vlen edhe për njerëzit që zhyten pa pajisje mbrojtëse dhe njerëzit që surfojnë.
Si të parandaloni pickimin e kandilit të detit
Sa herë që notoni në oqean, po vizitoni habitatin natyror të kandil detit. Gjithmonë ka një shans që të hasni një kandil deti, por mund të ndërmerrni disa hapa për të zvogëluar gjasat nga pickimi.
Kur të mbërrini në plazh, bisedoni me kujdestarin e shpëtimit se çfarë lloje kandil deti janë parë në zonë dhe nëse njerëzit kanë raportuar pickime atë ditë. Kandil deti lëviz në rryma, kalërime dhe janë më të zakonshëm në periudha të caktuara të vitit. Ju ndoshta doni të shmangni plotësisht notin në zona me popullsi të lartë të kandil deti.
Veshja e një rrobe mbrojtëse në ujë do të zvogëlojë shanset për t’u pickuar.
Kur ecni në ujë të cekët, përzieni këmbët dhe ecni ngadalë duke shpërndarë me këmbët tuaj ngadë dhe me kujdes rërën për të shmangur nëse befas shkelni një kandil deti.
Edhe pse janë të bukura dhe interesante për t’u parë, nuk duhet të kapni kurrë një kandil deti që ka dalë në breg. Edhe kandil deti i ngordhur mund të nxjerrë helm nga tentakulat e tyre.
Ka produkte komerciale që pretendojnë se zvogëlojnë shanset e pickimit të kandil detit, megjithëse përfitimi i tyre klinik është i madh.
Panacea.mk ju këshillon se, ku ka numër të madh të kandilave vjollcë të detit në bregdetin grek:
Kandilat e detit ngjyrë vjollcë të rrezikshëm janë shfaqur në disa plazhe greke. Mediat greke kanë publikuar tashmë një hartë që tregon se në cilat plazhe janë më të bollshme dhe sipas oqeanografëve më të shumtë janë në rajonin e Atikës, në plazhet e Megarës, Elefsinës, Agios Kosmas, Glyfada, Anavissos, Vouliagmeni dhe Saronida.
Sipas ekspertëve grekë, rritja e popullsisë së kandil deti vjollcë në detin Egje vjen si pasojë e ndryshimeve klimatike dhe mbipeshkimit të peshqve të mëdhenj. Këta kandil deti u shfaqën për herë të parë në detin Jon, nga ku rrymat detare i çuan në detin Egje, në Gjirin e Selanikut dhe Halkidiki, Pagasitikos dhe Sporadi.
Përktheu dhe përshtati:S.N
