Edhe pse shumë prindër i japin fëmijës së tyre një celular ose ndonjë lloj tjetër ekrani kur duan ta qetësojnë, shumë studime mbi këtë temë kanë treguar se sa e dëmshme është në të vërtetë. Me të njëjtën pajtohet edhe Patricia Haçek Zuber master e psikologjisë, e cila vlerëson se prindërit nuk janë as të vetëdijshëm për pasojat që ekranet dhe veçanërisht përdorimi i tyre për të qetësuar fëmijën mund të jetë i rrezikshëm.
“Mendoj se është jashtëzakonisht e keqe të qetësosh një fëmijë duke i dhënë celularin, sepse prindërit i ndërpresin emocionet e fëmijës në atë mënyrë dhe fëmija nuk ka mundësi të mësojë asgjë për gjendjen e tij dhe si ta ndihmojë veten herën tjetër. Nëse e lejojmë fëmijën të shprehë emocionet në një mënyrë të pranueshme shoqërore dhe se të gjitha emocionet janë në rregull, sepse ato shfaqen si një sinjal i asaj që po ndodh me ne, atëherë ne nuk po e edukojmë ashtu siç duhet”, shpjegon Haçek Zuber, duke shtuar se ekranet kur qajnë fëmijët, zakonisht jepen nga prindër të pavetëdijshëm.
“Ky truk përdoret më shpesh nga ata prindër që shpesh janë tolerantë dhe nuk dinë se çfarë dhe si të përballen me emocionet e fëmijës së tyre. Dhe më pas duket se gjëja më e thjeshtë është t’i jepni fëmijës një ekran për ta shpërqendruar. Në praktikën time kjo është dëshmuar si një rrugë e dëmshme dhe afatgjatë në zhvillimin e fëmijëve”, paralajmëron psikologia.
