Ky lloj i mavijosjeve mund të kurohet me kompresa të ngrohta, por koha është me të vërtetë çelësi i shërimit. U eksituat paksa në ato momentet e nxehta, dhe tani, keni dëshmi për këtë dhe të gjithë do ta vërejnë – pikërisht aty në qafën tuaj.
Njolla është një mavijosje e shkaktuar nga trauma në lëkurë, si thithja ose kafshimi. Edhe pse nuk janë lëndime serioze, ato mund të jenë mjaft të sikletshme! Pra, si mund të shpëtoni nga mavijosjet sa më shpejt të jetë e mundur?
Dermatologu Alok Vij, doktor i shkencave, shpjegon se si të minimizoni njollën tuaj ndërsa prisni që ajo të zbehet plotësisht.
Çfarë duhet të bëni për të hequr qafe njollën/mavijosjen
Interneti është plot me këshilla DIY që pretendojnë të heqin qafe njollat brenda natës. Por nuk duhet të nxitoni të gërvishtni njollën/mavijosje tuaj me pirun ose të vendosni pastë dhëmbësh në plagën tuaj sipërfaqësore, për shembull, me shpresën se kjo do të zhdukë më shpejt njollën/mavijosjen tuaj. Dr. Vij thotë se nuk ka shkencë që vërteton shumicën e këtyre trukeve, dhe në fakt mund të bëni më shumë dëm sesa mirë nëse e kruani, shponi ose acaroni sipërfaqen e lëkurës ku është mavijosja.
“Njolla/mavijosja është shtresa e dytë e lëkurës, e quajtur dermis”, shpjegon Dr Vij. “Çdo trajtim gërryes i lëkurës si larja me pastë dhëmbësh ose përpjekja për të hequr njollën do të ishte shumë sipërfaqësore për të mbuluar mavijosjen. Dhe madje mund ta bëjë problemin më të dukshëm me gërvishtjet, gjakderdhjet, zbardhjen shtesë dhe formimin e plagëve.”
Në vend të kësaj, Dr. Vij ndan këshillat e tij kryesore për të minimizuar shfaqjen e njollave/mavijosjeve tuaja gjatë shërimit.
- Aplikoni kompresa të ngrohta
Opsioni më i mire për ti trajtuar njollat/mavijosjet tuaja është zbatimi i metodave të vjetra kjo është aplikimi i kompresave të ngrohta.
“Kompresat e ngrohta mund të ndihmojnë në hapjen e enëve të gjakut të trupit tuaj dhe në zbehjen e njollave, duke tërhequr qelizat e kuqe të gjakut që janë derdhur nga enët e gjakut në lëkurën tuaj”, shpjegon ai.
Ju mund të bëni metodën e mëposhtme deri në katër herë në ditë për aq kohë sa zgjat njolla:
Merrni një enë me ujë dhe vendoseni në mikrovalë të ngrohet. “Duhet të jetë më i nxehtë se uji i banjës, por edhe të vlojë jo, i ngrohtë le të jetë”, këshillon Dr. Vij.
Zbutni dy peshqir të pastër në enën me ujë, më pas merrni një dhe shtrydhni. Aplikojeni atë në njollën tuaj, lëreni të qëndrojë derisa lecka të kthehet në temperaturën e dhomës. Më pas, kthejeni atë peshqir në enën me ujë dhe shtrydhni tjetrën, duke përsëritur procesin me peshqirin e dytë.
Përsëriteni këtë proces tre ose katër herë, për një total prej 15 deri në 20 minuta. Mund t’ju duhet ta ngrohni përsëri enën me ujë midis aplikimeve ndërsa ftohet.
- Shmangni kompresat e ftohta
Edhe pse kompresat e ftohta mund të ndihmojnë në rastet e mavijosjeve më të mëdha, mos u shqetësoni t’i aplikoni ato në mavijosjen tuaj, përveç nëse ndodh brenda minutave të para. Ngrirja e menjëhershme e kafshimit apo njollës së dashurisë mund të sigurojë lehtësim minimal për acarimin ose inflamacionin, por nuk do të ndihmojë në të njëjtën mënyrë.
“Trauma në lëkurën tuaj është aq minimale saqë i ftohti nuk do ti bëjë shumë mirë”, thotë Dr. Vij.
Në vend të kësaj, kaloni direkt te kompresat e ngrohta dhe përsërisni për aq ditë sa duhet që shenja të zbehet.
- Përdorni xhel dhe kremra shërues
Përveç metodës së kompresës së ngrohtë, mund të aplikoni xhel ose kremra që përmbajnë përbërësit e mëposhtëm për të përshpejtuar procesin e shërimit:
Arnica: Mjekët nuk janë të sigurt saktësisht pse, por është zbuluar se, arnica ndihmon në shërimin më të shpejtë të mavijosjeve. Por shmangeni nëse jeni duke marrë hollues gjaku.
Vitamina C: Hulumtimet sugjerojnë se vitamina C mund të ndihmojë në mpiksjen e gjakut, gjë që ndihmon në uljen e sasisë së mavijosjeve.
Vitamina K: Megjithëse vitamina K mund të ndihmojë në zbehjen e mavijosjeve, aplikojeni atë në mënyrë lokale dhe jo me gojë. Vitamina K nga goja është e lidhur me disa rreziqe të mundshme.
Disa burime sugjerojnë aplikimin e aloe verës, e cila mund të qetësojë inflamacionin e lëkurës (si në rastin e djegies nga dielli), por Dr. Vij thotë se në fakt kjo nuk ndihmon shumë për njollat/mavijosjet.
“Me njollat/mavijosjet, nuk ka aq shumë inflamacion të lëkurës,” thotë ai. “Është vetëm një traumë e vogël”.
- Mendoni për terapinë me lazer
Nëse keni një ngjarje të madhe që po afrohet, mund të pyesni mjekun tuaj për heqjen me lazer të nishanit brenda 24 deri në 48 orëve pasi është shfaqur për herë të parë. Megjithatë, kini parasysh se kjo metodë mund të jetë një rrugë e shtrenjtë dhe do të duhen ende një ose dy ditë për t’u shëruar plotësisht. Përtej kësaj, opsioni juaj më e mirë është të prisni procesin e shërimit.
- Fshihni njollën/mavijosjen duke e kuruar – po ose jo!
Ndërsa prisni që njolla/mavijosja juaj të shërohet, nëse doni të mbuloni dëshmitë, mund të mbështeteni tek këto në vijim:
Korrektor.
Veshje me jakë ose shall.
Fashë ose veshje.
Sigurisht, se ekziston edhe një mundësi tjetër: nuk keni pse ta mbuloni njollën nëse ndiheni të sigurt duke e lënë të pambuluar. Ju nuk keni nevojë të ndiheni të turpëruar ose në siklet nën peshën e vetëfajësimit kur bëhet fjalë për marrëdhëniet dhe aktivitetin tuaj seksual – në vend të kësaj, keni parasysh të pranoni kënaqësitë tuaja seksuale.
