Agjencia amerikane “Munchery” intervistoi së fundmi 2000 nëna dhe baballarë dhe zbuloi se një prind ka mesatarisht vetëm 32 minuta kohë për veten e tij. Po, shumica e nënave dhe baballarëve kanë pak më shumë se gjysmë ore në ditë për t’i kushtuar vetes.
Punojnë shumë dhe fshihen nga fëmijët e tyre
Një gjetje tjetër më pak dëshpëruese është se 32 për qind e prindërve nuk ndalojnë së punuari deri në orën 20:00, gjë që sigurisht sqaron mungesën e kohës për të bërë diçka tjetër përveç detyrave dhe përgjegjësive të përditshme prindërore.
Se sa e vështirë është që prindërit të gjejnë kohë për veten e tyre, tregojnë edhe të dhënat që prindërit zbuluan gjatë intervistave se sa herë në javë fshihen prej fëmijëve për të marrë kohë pak për veten e tyre. Po, duket se ndonjëherë prindërit duhet të pretendojnë se shkojnë në tualet vetëm për të marrë disa çaste për vete.
Gjetje të tjera përfshinin faktin se prindërit që punojnë me kohë të plotë shpenzonin mesatarisht 18 orë në javë duke u kujdesur drejtpërdrejt për fëmijët, dhe një e katërta e prindërve, ose 24 për qind, shpenzonin më shumë se 30 orë në javë duke u kujdesur drejtpërdrejt për fëmijët, përveç detyrimet e tjera të tyre.
Ata shkojnë në dyqan pesë herë në javë dhe përballen me zemërimin e tyre
Gjithashtu hulumtimet zbuluan se një prind mesatarisht shkon në shitore pesë herë në javë dhe merret me zemërimin dhe sjelljen e keqe të fëmijëve të tyre.
Edhe pse rezultatet e këtij hulumtimi nuk janë aq befasuese, është gjithmonë një kujtesë e mirë se të gjithëve na duhet kohë adekuate për veten tonë. Pse është kaq e vështirë për ne që t’i japim përparësi vetes sonë? Ne e dimë se sa dëshpërimisht kemi nevojë për të, si për shëndetin tonë mendor ashtu edhe për aftësinë tonë për të qenë prindër të mirë. Në çdo rast, ne meritojmë më shumë se gjysmë ore!
