Постојат одредени состојби на кожата кои апсолутно не треба да се игнорираат и за нив е неопходна стручна лекарска помош. Ова се некои од тие ситуации:
Имате осип кој трае повеќе од една недела
Доколку на кој било дел од кожата имате осип што ве чеша и трае повеќе од една недела, задолжително побарајте лекарска помош. Може да станува збор за алергиска реакција, која доколку не се третира, може да предизвика сериозни здравствени проблеми.
Имате црвени флеки по телото
Црвените флеки кои се појавуваат на вратот и на лицето може да бидат поврзани со стрес, со одредна алергија или, пак, со осип кој веќе го имате. Без разлика на причината, појдете на дерматолог, особено ако флеките се шират.
Кожата одеднаш ви е преполна со акни
Доколку секогаш сте имале чиста кожа, а наеднаш забележите дека имате многу акни, проверете ги кај дерматолог. Акните кои се резултат на пореметување во работата на лојните жлезди не се само естетски, туку се сериозен здравствен проблем.
Не сте сигурни дека акните се само акни
Можеби е во прашање алергија за која сметате дека се акни или, пак, може да станува збор за инфекција која малку е потешко да се излекува. Ако се сомневате дека акните се нешто повеќе од тоа, и дека вашиот производ што го користите за лекување и нега не делува, посетете дерматолог.
Имате изгореница на телото која не поминува
Во зависност од степенот на оштетување, изгореницата може да биде проследена со бројни потенцијални компликации. Но, ако правилно се лекува, за неколку дена изгореницата би требало да зарасне. Ако кај вас, тоа не е случај, задолжително побарајте лекарска помош.
