Секоја жена треба барем еднаш годишно да направи гинеколошки преглед, но неретко се присутни и вонредни ситуации и појава на проблеми кои укажуваат дека е потребно да се посети стручњак надвор од рутиснкиот годишен преглед. Од болки во тек на сексуални односи, па се до исцедок, телото испраќа сигнали кои укажуваат дека нешто не е во ред.
- Крварење помеѓу циклуси
Траги крв помеѓу менструации кај многу жени се нормална појава, најчесто врзана за користење на орална контрацепција. Но, ако крварите многи и тоа трае неколку дена, јавете се на гинеколог. Ваквиот тип крвавење може да биде знак за појава на инфекција, циста, полип и во ретки случаи и карцином.
- Екстремно болен менструален циклус
Повеќето жени имаат болни циклуси, но ако се соочувате со неиздржливи грчеви кои претходно не сте ги имале, побарајте лекарски совет, оти овој симптом укажува на проблеми со циста или ендометриоза.
- Исцедок со необичен мирис и/или боја
Редовниот исцедок главно е без мирис, а ако забележите мала промена во начинот на кој вагината или исцедокот мириса, тоа е сосема нормално. Она што не е нормално е нагла и изненадна промена. Најчесто мирисот потсетува на квасец, а дополнителни симптоми се пецкање на надворешниот дел и чешање, кои се знаци на бактерсика инфекција.
- Болен сексуален однос
Силна болка ори сексуалниот однос може да значи ендометриоза, а нендаејна и остра болка може да укажува на руптурирана циста на јајчникот. Болка при половиот однос се нарекува диспареунија и ја предизвикуваат полово преносливи инфекции, чувствителност на презерватив, неадекватно средство за за интимна нега и слично. Гинекологот ќе ви каже за што всушност станува збор.
- Сува вагина
Вагиналната сувост за време на сексуален однос, но и неможноста за мокрење може да укажуваат на хормонален дисбаланс, а може да бидат поврзани и со контрацепцијата.
