Пушењето го зголемува ризикот од болки во долниот дел на ‘рбетот, а станува збор за болки кои би требало да се санираат преку оперативен зафат, сугериа ново шведско истражување. Научниците го насочиле вниманието на честите поводи за појава на болки во долниот дел на ‘рбетот, кој е познат како лумбална спинална стеноза. Ова заболување се случува кога ќе се стесни ‘рбетниот канал и така се зголемува притисокот на ‘рбетниот мозок и нервите. Таа состојба често се развива со самото стареење.
Проток на крв
Авторите на студијата веруваат дека никотинот го компромитира протокот на крв така поттикнувајќи воспалителни промени и со тоа придонесува за ваквиот процес.
Научниците ги проучувале податоците на дури 331.941 градежен работник, кои биле во регистарот за здравствени состојби по професии во Шведска. Работниците биле следени повеќе од 30 години. Преку целото истражување, 1.623 од нив имале оперативен зафат на ‘рбетот, токму заради лумбалната спинална стеноза. Кога тоа го споредиле со испитаници кои кои никогаш не пушеле, тешките пушачи, оние кои пушеле најмалку 15 цигари дневно имале дури за 46% поголем ризик за операција на ‘рбетот, покажала студијата.
Умерените пушачи (оние кои пушење до 14 цигари дневно) имале 31% поголем ризик, а бившите пушачи за 13% поголем ризик за операција.
Според ова истражување, пушењето е видлив фактор за ризик за стеснување на ‘рбетниот канал во споменатиот долен дел на грбот кој може да доведе до оперативен зафат, смета водачот на истражувањата д-р Аркан Сајед – Нур, научник од Универзитетот Умеа и дополнува дека откажувањето од пушење може да го намали ризикот.
